Billy Bob Harrell Jr. 1997-ci ildə ABŞ-da bir gecədə milyonçu olub, lakin iki ildən də az müddətdə intihar edib.
 

Sfera.az bildirir ki, Amerikalı taleyüklü pul qazananda həyat yoldaşını və üç uşağını çətinliklə dolandırıb. 15 illik işdən çıxarıldıqdan və uğursuz bir işdən sonra qatı dindar Texaslı adam həyatının sonunun yaxşılığa doğru dəyişəcəyinə ümidini heç vaxt itirməyib. O, hər çərşənbə və şənbə günləri lotereya oynamaq üçün daim bir neçə dollar yığıb.
 

1997-ci il iyunun 28-də nəhayət onun şanslı günü gəlib çatdı. Billy Lotto Texas-da 31 milyon dollarlıq cekpot qazanıb.

O, bu böyük məbləği hər biri 1,24 milyon dollar olmaqla 25 illik taksitlə almağa qərar verib.
 

O, çekin təqdimat mərasimində deyib: "Mən təslim olmaq fikrində deyildim. Hamı mənə deyirdi ki, hər şey yaxşı olacaq, amma bu qədər yaxşı olacağını düşünmürdüm".
 

Adam dərhal “Home Depot”dakı işindən çıxıb və uduşunu xərcləməyə başlayıb. Getdiyi kilsəyə on minlərlə dollar bağışlayıb, Milad bayramında ehtiyacı olan yerli ailələrə 480 hinduşka bağışlayıb və ailə üzvləri üçün evlər, özünə yeni avtomobillər, həyat yoldaşı və uşaqları, həmçinin Havayda ailəvi tətil üçün pullar xərcləyib.
 

Billi bununla tezliklə diqqəti özünə çəkməyə başlayıb. Onun xərcləmələri kontroldan çıxıb. “Lotto Analyst”ə görə, üç uşaq atası hətta bir gənc qıza avtomobil və zinət əşyaları alaraq onu heyran etməyə çalışıb.
 

Qələbədən cəmi səkkiz ay sonra onun evliliyi dağılıb və həyat yoldaşı Barbara Jean boşanmaq üçün məhkəməyə müraciət edərək qazandığı pulun yarısını bu prosesdə alıb.
 

Həddindən artıq xərcləmə Billinin yeganə pis maliyyə qərarı olmayıb. İllik uduşlarının azalması və borclarının artması ilə amerikalı lotereya qaliblərinə illik çekləri müqabilində birdəfəlik pul təklif edən bir şirkətlə müqavilə bağlamaq qərarına gəlib. Kişi lotereya ödənişinin yarısının 10 ili müqabilində “Stone Street Capital”dan 2,25 milyon dollar pul almağa razılaşıb. Yəni bununla şirkət on il ərzində onun 6 milyon dollarını alacaqdı.
 

Müqaviləni imzaladıqdan sonra Billy həyat yoldaşı ilə barışıq əldə etməyə çalışıb, lakin yoldaşı ona geri qaytarmaqdan imtina edib. 1999-cu il mayın 22-də lotereyada qalib gəldikdən cəmi 20 ay sonra Billy evə gələrək yataq otağına keçib və özünü öldürüb.
 

Billi həyatına son qoymazdan bir müddət əvvəl maliyyə məsləhətçisinə həyatından narazı olduğunu da etiraf edib.
 

"Lotereyada udmaq mənim başıma gələn ən pis şey oldu”- Billy ona deyib.

Qeyd edək ki, daha əvvəl iki lotereyada 5,4 milyon dollar qazanan qadının da həyatı drama çevrilib. Evelyn Adams adlı qadın eyni anda iki cekpot qazanıb. Ancaq Amerika yuxusu onun təsəvvür etdiyi qədər xoş olmayıb. 20 ildən sonra qumar asılılığı onu qəpiksiz qoyub. İndi o, treyler parkında yaşayır.

Həmin şəxsin 20 dollarlıq uduşu 2 milyon dollara “çevirdiyi” də bildirilirdi. Belə ki, həmin vaxt onun üstündə iki lotereya bileti almaq üçün pulu olmayıb, ona görə də yalnız birini ala bilib. O, 20 dollar qazanıb. Bu pulla amerikalı qadın ona 2 milyon dollar qazandıran ikinci bilet alıb.

Aysel

Sfera.az