Məşhur alimdən süni intellektlə bağlı HƏYƏCAN TƏBİLİ: “Putin belə istifadə edə bilər”
Tanınmış alim, sabiq “Google” əməkdaşı Geoffrey Hinton süni intellektlə bağlı xəbərdarlıq edib.
Sfera.az bildirir ki, Hinton BBC-yə müsahibəsində “chatbot” kimi tanınan söhbət robotlarının tezliklə insan beyninin informasiya tutumunu keçə biləcəyini deyib.
“Hazırda “GPT-4” sahib olduğu ümumi məlumatların miqdarına görə insanı çox geridə qoya bilər. Düşüncə baxımından yaxşı olmasalar da, sadə əsaslandırmalar apara bilirlər. Tərəqqi sürətini nəzərə alsaq, bu sistemlərin çox tez effektiv olacağını deyə bilərik və bu bizi narahat etməlidir. Hazırda bildiyimə görə, onlar bizdən ağıllı deyillər. Lakin onlar tezliklə buna çata bilərlər”.
Elm adamı pis insanların süni intellekt vasitəsilə “pis işlər" görə biləcəyini vurğulayıb və bunu “kabus ssenarilərindən biri” adlandırıb:
“Tutaq ki, Putin robotlara öz alt məqsədlərini yaratmağa icazə verdi. Bu, sonda “Mən daha çox güc əldə etməliyəm” kimi məqsədlərə gətirib çıxara bilər. Yaratdığımız zəka növü bizdə olandan çox fərqlidir. Biz bioloji sistemik, lakin bunlar rəqəmsal sistemlərdir. Rəqəmsal sistemlərlə eyni ölçüdə birdən çox nüsxə çıxara bilərsiniz. Bütün bu nüsxələr fərqli şeylər öyrənə, biliklərini dərhal bir-biri ilə paylaşa bilər. Yəni, sizin 10 min insanınız var və onlardan biri nəyisə öyrənir, digərləri isə bu məlumatı eyni anda əldə edir. Buna görə də bu “chatbot”lar hər hansı bir insandan daha çox məlumata malikdir”.
Qeyd edək ki, 75 yaşlı Hinton bu yaxınlarda “Google”dakı vəzifəsindən istefa verib.
Türkan
