Tələbə məşhur əsərdəki bananı yedi: "Düşündüm ki, belə maraqlıdır" – Kuryoz HADİSƏ
Cənubi Koreyada maraqlı hadisə baş verib.
Sfera.az bildirir ki, rəssam Maurizio Kattelanın Leeum İncəsənət Muzeyində nümayiş etdirilən “Comedian” adlı rəsm əsəri gündəm olub.
Belə ki, koreyalı bir tələbə ac olduğunu deyərək divara yapışdırılan bananı yeyib. Noh Huyn-soo adlı tələbə bananı yedikdən sonra qabığını divara yapışdırıb. Yerli KİV-in məlumatına görə, muzey daha sonra eyni yerə yeni banan yerləşdirib. Leeum İncəsənət Muzeyi tələbədən dəymiş ziyanı tələb etməyəcəyini bildirib.
Qeyd olunub ki, sərgidə nümayiş olunan banan iki-üç gündən bir dəyişdirilir. Sosial mediada yayılan görüntülərdə tələbə bananı divardan götürərkən "bağışlayın" sözü eşidilib, ardınca sakitcə meyvəni yeməyə başlayıb. Daha sonra o, qabığı divara yapışdırıb və getməzdən əvvəl bir anlıq poza verib.
Noh Huyn-soo bu barədə yerli mediaya açıqlamasında bunları deyib: “Məncə, Maurizionun əsəri müəyyən hakimiyyətə qarşı üsyandır. Etdiyim isə üsyana qarşı daha bir üsyan ola bilər. İncəsənət əsərinə zərər verməyə də sənət əsəri kimi baxmaq olar. Düşündüm ki, belə maraqlıdır. Banan ora yeyilməsi üçün yapışdırılmayıb?”.
Rəssam isə hadisə ilə bağlı danışarkən “Heç bir problem yoxdur” söyləyib.
Qeyd edək ki, bu, ilk belə hadisə deyil. Yəni rəssam Kattelanın əsəri üçün istifadə edilən banan daha əvvəl də ziyarətçi tərəfindən yeyilib.
Türkan
