Kanadanın Alberta əyalətinin paytaxtı Edmontonda yanğınsöndürənlərdən ibarət üç qrup yerli əlamətdar yerin - Talus Qübbəsi heykəlinin içərisində ilişib qalmış 26 yaşlı oğlanı xilas etməli olub.

Sfera.az bildirir ki, hadisə bu gün Kanadada baş verib. Xilasedicilər şəxsi oradan çıxarmaq üçün xüsusi alətin köməyi ilə konstruksiyanı açmağa məcbur olublar. Zərərçəkmiş təkcə əmlaka dəymiş ziyanı ödəməli olmayacaq, həm də həbsxanaya göndərilə bilər. Qeyri-adi hadisənin şahidlərinin sözlərinə görə, kişi heykələ çox yaxınlaşıb və onun üzərinə çıxmaq istəyərkən konstruksiyadakı dəlikdən içəri sürüşüb. Yoldan keçən bir nəfər içəridə kiminsə ilişib qaldığını görüb və xilasetmə xidmətinə müraciət edib. Üç yanğınsöndürmə briqadası şəxsi xilas etmək üçün ağır xilasetmə texnikasından istifadə etməyə məcbur olub. Yanğınsöndürənlər konstruksiyanı açmalı və kürələrdən birini zədələmədən adamı çıxarmalı olublar.

Hadisənin şahidi Hans Klyaver: “Mən şarları xoşlayıram, onları sevən nadir adamlardanam, ona görə də baxmaq üçün aşağı düşdüm. İçəridə bir oğlan var idi" - deyə bildirib. KİV-in məlumatına görə, 26 yaşlı kişi 5 min dollardan çox ziyan vurmaqda ittiham olunur, onu həbs gözləyir. Heykəl Talus Günbəzi Şəkil: Qeyd edək ki, Kesnell körpüsünün yanında yerləşən Edmontondakı Talus Dome 2011-ci ildə inşa edilib. O, yerli ərazini əks etdirən 1000-dən çox əl işi metal toplardan ibarətdir. Art-obyekt rəssamlar Benjamin Ball və Gaston Nogues tərəfindən yaradılmışdır.

Onların fikrincə, əsər qalaq-qalaq daşları təqlid edir və insan ilə təbiətin birgə mövcudluğuna işarə edir.