“Twitter”in yeni sahibi Elon Mask öz işçilərinə ilk ultimatumunu verib. Maskın idarəçiliyində olan Twitter istifadəçilərdən mavi klik üçün aylıq ödəniş tələb edəcək. Mavi klik üçün ayda tələb olunacaq məbləğ artıq müzakirələrə səbəb olub.
 

Sfera.az xarici mətbuata istinadən bildirir ki, “Twitter”in əlavə parametrlətini aktiv edən aylıq 4,99 dollarlıq “Twitter Blue”nu hazırda 19,99 dollar ödənişlə təklif etməyi planlaşdırır.
 

Cari plana əsasən, təsdiqlənmiş istifadəçilərin abunəliyi davam etdirmək və ya mavi işarəsini itirmək üçün 90 gün vaxtı olacaq.
 

Layihə üzərində işləyənlərə funksiyanı işə salmaq üçün noyabrın 7-nə qədər vaxtlarının olduğu, əks halda işdən çıxarılacaqları bildirilib.
 

Qeyd edək ki. Elon Musk hələ “Twitter” sahibi olmadan əvvəl verdiyi açıqlamalarda hesabın təsdiqi və botlarla mübarizədə fərqli yanaşma tətbiq edəcəyini bildirmişdi.


"Bütün yoxlama prosesi hazırda yenilənir" - deyə o, bazar günü öz tvitter hesabında yazıb.
 

Musk abunəliyi tətbiqdə əhəmiyyətli bir fürsət olaraq gördüyünü dəfələrlə dilə gətirib. Keçən həftə Twitter işçiləri ilə keçirdiyi görüşdə o, bu tətbiqin gəlirinin 50%-ni istifadəçilərdən təşkil etməyi düşündüyünü bildirib.
 

2-ci rüb üzrə maaliyə hesabatına görə “Twitter”in aylıq gəliri təxminən 1,2 milyard dollar təşkil edir. Bu hesabla Musk istifadəçilərdən ayda təxminən 600 milyon dollar qazanmağı hədəfləyir.
 

Hazırkı vəziyyətdə Maskın bu hədəfə çatması üçün “Twitter”in aktiv istifadəçi bazasının yarısından çoxunu təşkil edən 120 milyon istifadəçinin “Twitter Blue” abunəliyi üçün ayda 4,99 dollar ödəməsi lazımdır.
 

“Twitter Blue”nun aylıq ödənişi 19,99 dollara qaldırılarsa, bu ödənişli abunəçilərin sayını 30 milyona çatdırmaq üçün kifayət edəcək.

Aynil