Kremlin taxıl və şəkər qərarı özünə ziyan verə bilər - Rusiyalı ekspertdən XƏBƏRDARLIQ
Media
12:57 / 15.03.2022
1125
"Rusiyanın taxıl və şəkər ixracına məhdudiyyət tətbiq etməsi qısamüddətli dövrdə səmərəlidir. Ortamüddətli dövrdə isə bu, istehsalın azalması riskini yaradır”.
Sfera.az xəbər verir ki, bunu "Sputnik” radiosuna müsahibəsində "INFOLine” analitik agentliyinin baş direktoru İvan Fedyakov bildirib.
O xatırladıb ki, Rusiyadan Avrasiya İqtisadi İttifaqı ölkələrinə taxıl ixracı iyunun 30-dək müvəqqəti olaraq qadağan edilib. Üçüncü ölkələrə ağ şəkər və xam qamış şəkərinin çatdırılması avqustun 31-dək dayandırılıb.
Fedyakov söyləyib ki, Rusiyanın taxıl və şəkər ixracına məhdudiyyət tətbiq etməsi antiböhran məqsədilə verilən fövqəladə tədbirdir:
"Bu tədbir olmasa, əhalinin ərzaqla təmin edilməsi çətinləşə bilərdi. Qısa müddət üçün qəbul edilən bu qərar son məhsula qənaət etməyə imkan verəcək, məhsullar anbarlarda qalacaq və ölkə daxilində satılacaq.
Qərar qısa müddətdə səmərəli olsa da, ortamüddətli perspektivdə bu, əkin sahələrinin azalmasına gətirib çıxara bilər. Çünki bir çox istehsalçılar hesab edəcəklər ki, əlavə məhsula ehtiyac yoxdur, buna görə də çox istehsal risklidir.
Buna görə də müəyyən edilmiş tarixlərdən sonra ixrac məhdudiyyətini uzatmamaq daha yaxşı olardı.”
Vasif
