Putinə qarşı çevriliş olacaq - Sabiq nazirdən İDDİA
Media
17:25 / 12.03.2022
2268
Rusiya Federasiyasının ilk xarici işlər naziri olan Andrey Kozirev Ukraynanın işğalı ilə əlaqədar ölkə prezidenti Vladimir Putinə qarşı çevriliş ehtimalının olmasını müdafiə edib.
Sfera.az xəbər verir ki, Kremldəki bəzi şəxslərin çevriliş planlaşdıracağına inandığını ifadə edən Kozirev siyasi gələcəyini təhlükəyə atan Putinin çevriliş yolu ilə və ya təqaüdə məcbur edilərək işini tərk edə biləcəyini iddia edib:
"Çarların çoxu hansısa yolla işdən çıxarılıb. Hələ Sovetlər İttifaqı dövründə də müxtəlif yollar olub. Stalini zəhərləyib, Xruşşovu Kremldən qovublar. Düşünürəm ki, Putinə qarşı artan müqavimət və narazılıq da nəticəsiz qalmayacaq. Rusiyanın tarixi gözlənilməz hadisələrlə doludur”.
ABŞ-də yaşayan 70 yaşlı sabiq nazir müharibədə Putinin qələbə qazanacağına şübhə etdiyini də bildirib:
"Ukraynanın bir neçə şəhəri alınsa belə, Putinin bu müharibədə qalib gəlməsi mümkünsüz olacaq, çünki o, xalqa qarşı mübarizə aparır. Putin nüvə silahından istifadə etməyəcək”, - deyə Kozirov qeyd edib.
Əzizə Zeynal
