"Bu, biabırçılıqdır" - Razi Nurullayevdən SƏRT AÇIQLAMA
Media
13:44 / 10.03.2022
1146
"Bütün təhsil müəssisələrində normal dərsləri bərpa etmək lazımdır. Onlayn deyilən dərs yoxdur, oyuncaqdır”.
Sfera.az bildirir ki, bunu deputat Razi Nurullayev deyib. O, mövcud durumun tələbələrə sərf etdiyini deyib:
"Oxumurlar, gəzirlər, əylənirlər, əlləri də göydədir ki, dərs olmasın. Biz də tələbə olub görmüşük. Amma, gərək dövlət düşünsün ki, bu qədər savadsız kadrı hara yerləşdirəcək? Oxuyan varmı? Təhsil adında heç nə qalmayıb, hər şey məhvə gedir. Hər kəs əlinə bir smart telefon alıb, 5 dəqiqə dərsə həsr edir - bir vərəqi oxumamış, bir məsələni həll etməmiş, "tak-tak", keçir görsün kimdən mesaj gəldi?”.
Millət vəkili qeyd olunan faktları kəskin tənqid edib:
"Hər kəsin votsapında 15-20 qrup və hər qrupda 30-40 tələbə - yazışırlar, zarafatlaşırlar, şəkil və video bölüşürlər. Təhsildən başqa hər şey. Bu, biabırçılıqdır. Yazıq valideynlər də gah müəllim tutur, gah repetitor, gah kursa göndərir… Bərpa edin təhsili! Daha bitdi pandemiya”.
Günay Rəsulqızı
Sfera.az
