“Qarabağda sülhməramlıların sayının artırılması gündəmdə deyil” - Rusiya XİN
Siyasət
12:19 / 18.11.2020
3397
"Dağlıq Qarabağda Rusiya sülhməramlılarının sayının artırılması barədə heç bir məsələ gündəmdə yoxdur”.
Sfera.az xəbər verir ki, bunu Rusiya xarici işlər nazirinin müavini Andrey Rudenko jurnalistlərə açıqlamasında deyib.
"Rusiyalı sülhməramlıların sayı üç liderin müvafiq bəyanatı ilə müəyyən edilir. Biz orada yazılanlardan çıxış edirik. İndi bu məsələ gündəmdə deyil”,- deyə Rudenko qeyd edib.
Xatırladaq ki, Dağlıq Qarabağda təmas xətti və Laçın dəhlizi boyu Rusiya Federasiyasının 1960 sayda odlu silahlı hərbi qulluqçusundan ibarət sülhməramlı kontingentin yerləşdirilməsi nəzərdə tutulub.
