ABŞ-da erməni lobbisinə “əsir düşən” həmyerlimiz – Beydulla Manafov kimdir?

Xaricdə yaşayan həmvətənlərimizin ürəkləri daim Azərbaycanla döyünür. İkinci Qarabağ savaşında xaricdəki soydaşlarımızın haqq işimizə göstərdikləri dəstək təbliğati baxımdan əhəmiyyətli hadisələrdən sayılmalıdır.

Bununla belə, təəssüf hissiylə qeyd etməliyik ki, Qərb ölkələrində yaşayan və müəyyən imkanlara sahib olan elə soydaşlarımız da var ki, onlar nəinki Azərbaycanın haqq işinə öz töhfəsini vermir, əksinə görülən işlərə əngəl törətməklə düşmən dəyirmanına su tökməyə cəhdlər edir.

Sfera.az-ın məlumatına görə, belə şəxslərdən biri də ABŞ-da yaşayan Beydulla Manafovdur. ABŞ vətəndaşı olan bu şəxsin həyat yoldaşı milliyətcə erməni olan Raisa Qaykovnadır. Ailə hazırda ABŞ-nın Texas ştatında, Dallasda qalırlar. İki övladları var və hamısı da ABŞ vətəndaşlığı alıblar.

Qızları Məlahət Manafova da Losornio Antoni Ray adlı amerikalıya ərə gedib.

Məlumata görə Beydulla Manafov və ailə üzvlərinin ABŞ-da siyasi sığınacaq və vətəndaşlıq almalarında "erməni amili” mühüm rol oynayıb və bu işdə ABŞ-dakı erməni lobbisinin köməyindən yararlanıblar.

Görünür, erməni lobbisinin dəstəyi ilə ABŞ-da yerləşən Beydulla Manafov indi erməni qohumlarına xidmət göstərməklə borclu qalmaq istəmədiyini isbatlamaq istəyir.

Qeyd edək ki, özünü "demokratiya carçısı” kimi təqdim edən, əslində isə ABŞ-dakı erməni lobbisininin əsirinə çevrilmiş bu şəxs ABŞ və Avropada yaşayan siyasi mühacirləri də öz çirkin oyununa qatmağa çalışır.

İnci

Sfera.az