Baxçalı Azərbaycanı Bəxtiyar Vahabzadənin şeiri ilə təbrik etdi
Siyasət
17:13 / 11.11.2020
4296
Türkiyə Milliyyətçi Hərəkat Partiyasının (MHP) sədri Dövlət Baxçalı Azərbaycanı qələbə münasibətilə təbrik edib.
Sfera.az xəbər verir ki, siyasətçi bu barədə partiyasının toplantısında çıxış edərkən bildirib:
"Qarabağ türkdür, Qarabağ azaddır, Qarabağ Azərbaycandır. Qarabağ türkün poladdan biləyidir. Bir millət, iki dövlətik, iki ayrı bədəndə eyni canıq. Bir dəfə yüksələn bayraq düşməmişdir, düşməyəcəkdir.
2009-cu ildə aramızdan ayrılan mərhum şarimiz Bəxtiyar Vahabzadənin dediyi kimi,
Bir ananın iki oğlu,
Bir ağacın iki qolu,
O da ulu, bu da ulu,
Azərbaycan-Türkiyə!
Dinimiz bir, dilimiz bir,
Ayımız bir, ilimiz bir,
Eşqimiz bir, yolumuz bir,
Azərbaycan-Türkiyə!
Zəfərimiz mübarək, daim olsun. Neçə diriliş və yüksəlişimiz mübarizəmizə vəsilə olsun”.
