Vüsal Məmmədov: "Rus əsgəri niyə Qafqazda olmalıdır..."

Rusiya sülhməramlılarının Qarabağda yerləşdirilməsi ölkə gündəminin əsas mövzularındandır.

Sfera.az-ın məlumatına görə, Belçikada yaşayan siyasi təhlilçi Vüsal Məmmədov mövzu ilə bağlı fikirlərini bölüşüb.

O bildirib ki, mövcud geosiyasi reallıqlar nəzərə alınmalıdır: "İndi Rusiya əsgərləri niyə Qafqazda olmalıdır" sualı hamını narahat edir. Anlamalıyıq ki, geosiyasi baxımdan Rusiya bölgədən, xüsusən keçmiş Sovet ittifaqı məkanından getmək niyyətində deyil".

Vüsal Məmmədov xatırladıb ki, ABŞ Türkiyə də daxil olmaqla bir çox dövlətlərdə hərbi baza saxlayırsa, Rusiyanın da eynisini reallaşdırmaq niyyətini anlamaq olar: "Ancaq biz mövcus geosiyasi reallıqda öz maraqlarımızı qorumalıyıq və hazırda bunu da edirik. Aşağıda təqdim etdiyim xərtiədə ABŞ-ın yaxın qonşuluğumuzdakı hərbi bazalarının yerləşmə məntəqələri göstərilib".