"Dior" Türkiyədə yeni universal məkanını açdı - FOTOLAR
"Dior" Türkiyə Rivierasında yeni yay məkanını istifadəyə verib. Datça yarımadasında yerləşən "D Maris Bay" ərazisində fəaliyyətə başlayan “Dioriviera” çimərlik klubu moda evinin özünəməxsus dənizkənarı konsepsiyasını Türkiyənin ən seçilən istirahət məkanlarından birinə gətirib.
Sfera.az bildirir ki, yeni məkan Dior-un xüsusi dizayn elementləri, brendə uyğun hovuz tərtibatı və kurort üslubunda detalları ilə diqqət çəkir. Turkuaz rəngli dəniz, dağ mənzərələri və lüks moda atmosferinin bir araya gəldiyi məkan yay mövsümünün ən diqqətçəkən ünvanlarından birinə çevrilib.
Dioriviera konsepsiyası yalnız çimərlik klubundan ibarət deyil. Burada ziyarətçilərə brendin məhsullarının təqdim olunduğu butik təcrübəsi də təklif edilir.
Beləliklə, "Dior" Türkiyənin sakit və özəl Aralıq dənizi məkanlarından birini dəb dünyasının diqqət mərkəzinə çevirərək onu mövsümün ən çox fotoşəkil çəkilən lüks istirahət məkanlarından birinə çevirməyi hədəfləyir.
İnci
