Kurt Kobeynin ölümünün sirri: Yeni dəlillər aşkar edildi
İllərdir müzakirə mövzusu və bir çox sui-qəsd nəzəriyyələrinə səbəb olan məşhur “Nirvana” qrupunun solisti Kurt Kobeynin ölümü yenidən gündəmə gəlib. Onun müəmmalar və sirrlərlə dolu ölümü növbəti dəfə qətl adlandırılır.
Sfera.az bildirir ki, polis detektivi 27 yaşlı Kurt Kobeynin ölümü ilə bağlı istintaqın əvvəlcə səhv aparıldığını, üç əsas dəlilin nəzərdən qaçırıldığını iddia edir.
“Nirvana” qrupunun solisti Kurt Kobeyn 8 aprel 1994-cü ildə Vaşinqton ştatının Sietl şəhərindəki evində başından güllələnərək öldürülmüş vəziyyətdə tapılıb. Sietl Polis Departamenti (SPD) istintaqı öz üzərinə götürüb və müstəntiqlər Kobeynin əlində intihar qeydi, ov tüfəngi və yaxınlıqda heroin aşkar ediblər. Detektivlər bütün bu dəlillərə Kobeynin intihar etdiyini müəyyən ediblər.
İndi isə bir neçə bestseller araşdırma kitabı ilə tanınan araşdırmaçı jurnalist İan Halperinin bu yaxınlarda dərc olunmuş yenilənmiş araşdırmasında iddia edilir ki, adı açıqlanmayan keçmiş polis detektivi müəllifə Kobeynin ölümü ilə bağlı istintaqın düzgün aparılmadığını gizli şəkildə bildirib.
Halperinin sözlərinə görə, təxminən bir il yarım əvvəl o, keçmiş Sietl polisi ilə danışıb və mənbə bildirib ki, o, nəhayət ictimaiyyətin diqqətini ciddi bir cinayətə cəlb etmək üçün danışmaq qərarına gəlib. Keçmiş detektiv iddia edib ki, Kobeynin orqanizmindəki heroin səviyyəsi o qədər yüksək olub ki, özünü başından güllələyə bilməzdi.
Bundan əlavə, silahda barmaq izləri olmayıb və intihar qeydinin son beş sətri Koeynin əl yazısı ilə uyğun gəlmirdi. Detektiv hesab edir ki, təkcə bu dəlil ölümün intihar olduğunu sübut etməməli idi. Kobeynin əslində necə öldüyünü müəyyən etmək üçün hərtərəfli, düzgün araşdırma aparılmalı idi. Təəssüf ki, mənbə bunun heç vaxt edilmədiyini iddia edir.
Kobeynin qanında heroin səviyyəsi çox yüksək olub və bu da onun başına atəş açmasını qeyri-mümkün edirdi.
Bu arada, Sietl polis rəsmiləri hələ də Kurt Kobeynin 1994-cü ildə intihar etdiyini iddia edirlər. Qeyd etmək lazımdır ki, mənbə şöbədə bütün istintaqı yüksək səviyyədə ört-basdır edən bir neçə nəfər olduğunu bildirir.
İstintaq qeyd edir ki, mənbə 1994-cü ildən 2000-ci ilə qədər Sietl Polis Rəisi Norm Stamperin rəhbərliyi altında işləyib. O, Kobeynin istintaqının aparılmasından təəssüfləndiyini bildirib və 2015-ci ildə fürsət verilərsə, həmin istintaqı yenidən açacağını bildirib. Qeyd edək ki, Norm Stamper əvvəllər detektivlərin musiqiçinin qətli ehtimalını dərhal istisna etməməli olduqlarını bildirmişdi.
Oxşar narahatlıqlar əvvəlki illərdə də digər hüquq-mühafizə orqanlarının əməkdaşları tərəfindən ifadə edilmişdi və onlar sonradan işi yenidən araşdırmışdılar. Məsələn, 2005-ci ildə Sietl polisinin təqaüdçü kapitanı Neil Lou müstəntiqlərin ölümü potensial qətl kimi düzgün qiymətləndirmədiklərinə inandığını bildirmişdi. Lakin Lou ilkin istintaqda iştirak etməmiş və illər sonra işi yenidən araşdırmışdır.
Eyni zamanda, Sietl polisi dəfələrlə Kobeynin 1994-cü ildə intihar etdiyini bildirib və bu nəticə onların rəsmi mövqeyi olaraq qalır. Kobeyn 5 apreldə başından aldığı güllə yarasından ölüb. Onun cəsədi üç gün sonra evdə təhlükəsizlik işıqlandırması quraşdıran elektrikçi tərəfindən aşkar edilib. O zaman King County Tibbi Ekspertizası onun ölümünü 20 kalibrli Remington Model 11 ov tüfəngi ilə intihar kimi qiymətləndirmişdi, silah onun əlində, intihar qeydi isə yaxınlıqdakı bir dibçəkdə tapılmışdı.
Beləliklə, Halperinin mənbəyi iddia edir ki, qatillər Kobeyni çox güman ki, böyük bir dozada heroin qəbul etməyə məcbur edərək və sonra başına güllə vuraraq onu həyatından məhrum ediblər.
Aynil
Sfera.az
