“Toyota”nın reklamı gözlənilməz səbəbdən qadağan edildi

Avstraliyada yeni 2026-cı il “Toyota Hilux” reklamı qadağan edilib. Media mütəxəssisləri bunun standartları pozduğunu düşünürlər.

 

Sfera.az xəbər verir ki, Avstraliyada yeni “Toyota Hilux” pikapının reklamı geri çəkilib. Yapon avtomobil istehsalçısından reklamı dəyişdirməsi tələb olunur.

 

"The Pied Piper" adlı qısa reklam videosunda, itlər hərəkətdə olan “Toyota Hilux”un arxasına tullanırlar, onların əksəriyyəti ilişib qalmış və ya sıradan çıxmış rəqib “Ford Ranger”, “Mazda BT-50” və “Mitsubishi L200” pikaplarındandır. Videonun sonunda “Toyota Hilux” arxasına artıq iyirmi dörd it toplayıb.

 

Qeyd edək ki, Avstraliya tənzimləyicisinin diqqətini rəqiblərin mənfi reklamı deyil, heyvanlara qarşı iddia edilən təhlükəli rəftar cəlb edib. Onlar iddia edirlər ki, itlər nəqliyyat vasitəsinin açıq arxa hissəsində daşınmamalı və hərəkət edən nəqliyyat vasitəsinə tullanmamalıdırlar.

 

Avtomobil istehsalçısı məhz təhlükəli heyvan rəftarını təbliğ etməkdə ittiham olunur.

 

“Toyota” isə bildirib ki, videonun çəkilişində xüsusi təlim keçmiş itlərdən istifadə olunub və onlar bütün təhlükəsizlik qaydalarına uyğun olaraq daşınıb, buna görə də heç bir heyvana zərər verilməyib. Bundan əlavə, videonun bir hissəsi kompüter tərəfindən yaradılıb. Lakin avtomobil istehsalçısının bu arqumentləri də reklamın dəyişdirilməsinin qarşısını ala bilməyib. 

 

Aynil

Sfera.az