Demək olar ki, hamımız böyük ümidlərlə işə müraciət etməyi, hətta mənfi və ya müsbət cavab almamağı da yaşamışıq. “Niyə işə götürmədilər”, “niyə cavab vermədilər” deyə uzun müddət düşünmüşük.

Sfera.az bildirir ki, İngiltərənin Linkolnşir bölgəsində yaşayan 70 yaşlı Tizi Hodson hamımızın yaşadığı bu hadisə ilə 22 yaşında qarşılaşıb. Amma bir fərqlə:
70 yaşlı Tizi Hodson 22 yaşında iş üçün müraciət edib. Qadına cavab 48 il sonra gəlib.

1976-cı ildə, 22 yaşında ikən Hodson bir şirkətə motosiklet akrobatı kimi işləmək üçün müraciət edərək, məktub göndərib.

Hodson böyük arzularla müraciət etdiyi bu işdən heç bir cavab almayıb və hər zaman niyə geri dönüş olmadığı ilə maraqlanıb.

48 il keçdikdən sonra Hodson məktub alanda həyatının şokunu yaşayıb. Yarım əsr sonra 70 yaşı olan Hodson müraciət etdiyi işdən cavab alıb.

Məlum olub ki, Hodsonun iş ərizəsi poçt şöbəsində dolabın arxasına düşüb və müraciət etdiyi şirkətə belə çatmayıb.

Hodsonun illər sonra ona göndərdiyi öz məktubunda poçt şöbəsi tərəfindən aşağıdakı qeyd edilib:

“Stayns poçt şöbəsindən gec göndəriş. Dolabın arxasında tapılıb. Cəmi 50 il gec”.

“Bu məni çox üzdü. Həmişə fikirləşirdim ki, niyə bu barədə heç bir xəbər yoxdur. İndi bilirəm”-deyən qadın, illərdir davam edən sirrin açıldığını bildirib.

Ərizəsinə cavab ala bilməməsi Hodsonun karyerasına heç vaxt mane olmayıb. Başqa işlərə müraciət edən Hodson dünyanı gəzib. O, ilan və at təlimçisi işləyib.

Aynil
Sfera.az

22 yaşında müraciət etdiyi işdən yarım əsr sonra cavab alan qadın - FOTO