Bu yaxınlarda yenilənmiş “Apple” patenti şirkətin indiki qatlanan telefonlara bənzər bir şey etmək istədiyini göstərir. Yeni məhsulun iki displeyi olacaq.
 

Sfera.az bildirir ki, yeni “Apple” patenti qatlanan böyük daxili ekranı və kənarda başqa bir ekranı olan telefonu təsvir edir. O, həmçinin “Huawei Mate XT” telefonu kimi üçqat qatlanan displey də ola bilər.
 

Patent təkcə “iPhone”a deyil, digər cihazlara da aiddir. Eyni zamanda, flip telefonlar getdikcə populyarlaşır, buna görə də Apple bu forma faktorunda cihazlar istehsal edən “Samsung”, “Google” və digər şirkətlərdən geri qalmaq istəmir.
 

“Apple”ın yaxın gələcəkdə qatlana bilən qurğu buraxacağı tam dəqiq olmasa da, görünür ki, “Apple” dərhal rəqabətə qoşulmağa tələsməkdənsə işləri təkmilləşdirmək üçün arxa planda qatlana bilən “iPhone” üzərində işləyir.

“Samsung Display” hesab edir ki, “Apple”ın ilk qatlana bilən smartfonu 2027-ci ilə qədər gələ bilər və bu cihaz telefon yox, başqa bir qadcet ola bilər.


"iPhone Flip"in forması və buraxılış tarixi ilə bağlı bütün bu çaşqınlıq bəzi analitikləri qəzəbləndirib. Onlar qatlana bilən “iPhone”un heç vaxt gəlməyəcəyi qənaətinə gəliblər.
 

“Apple” eksperti Mark Qurman isə deyir ki, şirkət hələlik onlardan razı olmasa da prototiplər hazırlayır.

Aynil
Sfera.az