"iPhone 16" Apple tarixində ən yüksək təmir qabiliyyətinə malikdir.

Sfera.az xəbər verir ki, "iFixit" mütəxəssisləri yeni "Apple" smartfonlarının təmirə yararlılığını qiymətləndiriblər.

Qadcetlərin təmiri üçün təlimatlar tərtib edən "iFixit" tədqiqatçıları yeni nəsil "iPhone"a müsbət qiymət veriblər. Belə ki, mühəndislər "iPhone 16"nın dizaynını, "Apple"ın qadcetə xidmət göstərilməsi ilə bağlı tövsiyələrini öyrəniblər və qeyd ediblər ki, smartfonlar seriya tarixində ən yüksək texniki xidmət qabiliyyətinə malikdir və onlara qulluq etmək nisbətən asandır. Yeni cihaz davamlılıq reytinqində 10 baldan 7 bal toplayıb. Müqayisə üçün qeyd edək ki, keçənilki "iPhone 15"in reytinqi 10 ballıq sistemdə 4-ə bərabərdir.

Mütəxəssislər qeyd ediblər ki, yeni nəsil smartfonları həm ekranı, həm də arxa paneli çıxarmaqla sökmək olar - bu, daxili komponentlərə çıxışı asanlaşdırır. Onlar həmçinin bildiriblər ki, telefonun batareyası indi sərt korpusa malikdir və daha da möhkəmlənib. Hesabat müəllifləri vurğulayıblar ki, batareyanı saxlayan yapışdırıcı, "Apple" təlimatlarında deyildiyi kimi, smartfondan elektrik cərəyanı keçərsə, tutumunu boşaldır.

Sonda "iFixit" müəllifləri Amerika İT nəhəngini evdə "iPhone" təmiri üçün təlimatlar yazmasına görə tərifləyiblər: "Apple" təmir kitabçaları yaxşı yazılıb, digər istehsalçılardan gördüyümüz orta göstəricidən qat-qat yaxşıdır, bu əladır".

İnci