Bir neçə Aqata Kristi əsərlərini ilhamlandıran Böyük Britaniyanın kiçik bir adası satıla bilmədiyi üçün bazardan çıxarılıb.
 

Sfera.az bildirir ki, İngiltərənin cənubi Devon sahillərində yerləşən 21 hektarlıq Burq adası 1930-cu illərdə “cinayət kraliçası” adlandırılan Aqata Kristinin qaldığı ada olub. Bura həmçinin “And then There Were None” romanı üçün səhnə olub. Ada həmçinin “Herkul Puaro” və “Günəş Altında Şəri”ə də ilham verib.
 

Uçurumun lap kənarında Aqata Kristinin sığınacağı- çimərlik evi yerləşir.
 

İndi isə 25 otaqlı otel, meyxana və çimərlik evi olan bu ada satışa çıxarılıb.

Cəlbedici təkliflər almasına baxmayaraq, satışlardan biri demək olar ki, başlamadan sona çatmalı olub. Adanın sahibi Giles Fuchs (Gils Fuks) potensial alıcının son anda sövdələşmədən geri çəkildiyini bildirib.
 

Adanın sahibi olaraq qalacağına görə sevincini ifadə edən Fuks bunu bir üstünlük kimi görür. Bacısı Niki ailənin London biznesindən çəkilib, indi Fuksun oteli idarə etmək üçün daha çox vaxtı olacaq. 5,4 milyon funt sterlinqlik əlavə maliyyələşdirmə sayəsində otelin yenidən qurulması da sürətləndiriləcək.
 

Yenidən maliyyələşdirmə paketi təkmilləşdirmə prosesini də sürətləndirəcək və adaya növbəti 100 il ərzində də yaşamağa və ya səyahətə gələnlərin çoxalmasına kömək edəcək.
 

Qeyd edək ki, adada zəngin və məşhurların sevimli məkanı olan məşhur “Burgh Island Hotel” də satışa çıxarılıb. II dərəcəli siyahıya alınmış bu ağ otel (Art Deco) 1929-cu ildə tikilib. Otel prezident Eyzenhauer, Uinston Çörçill, Vindzor hersoqu və hersoginyası və hətta “The Beatles” daxil olmaqla bir çox məşhur qonaqları qəbul edib.
 

Ada özünəməxsus mikro mühiti və təmiz qumlu çimərliyi ilə yaşamağa möhtəşəm tənha yer təklif edir.

Xanım

Sfera.az