Karseladze Üçüncü Üzüm və Şərab Festivalından videoreportaj HAZIRLADI

“Bizim Qafqaz”  (“Our Caucasus”) mədəni-sosial layihəsinin müəllifi və aparıcısı Nini Karseladze 2024-cü ilin sentyabrın 7 və 8-də Şamaxı rayonunun Meysəri kəndində keçirilən Üçüncü Üzüm və Şərab Festivalı ilə bağlı videoreportaj hazırlayıb. 

Sfera.az xəbər verir ki, reportaj “Youtube” videoplatforması üzərindən yayımlanıb. 

Qeyd edək ki, verilişin hər sayında Gürcüstan və Azərbaycanın zəngin həyatı, o cümlədən adət-ənənələri, görməli yerləri və zəngin tarixi ilə bağlı materiallar yer alır.

Bu prinsipə uyğun olaraq Karseladze növbəti reportajını Üçüncü Üzüm və Şərab Festivalına həsr edib. 

Verilişdə festival haqqında məlumat verən Karseladze Meysəri kəndinə səfər edən gürcüstanlı müğənnilərdən müsahibə götürüb, digər əcnəbi qonaqların festivalla bağlı fikirlərini öyrənib, eləcə də tədbirlə bağlı maraqlı anları göstərib.  

Altay