Ümumdünya Pişik Günüdür - FOTOLAR
Bu gün Ümumdünya Pişik Günüdür.
Sfera.az bildirir ki, sözügedən tarix Beynəlxalq Heyvanlara Qayğı Fondunun (IFAW) təşəbbüsü ilə başladılıb. 2002-ci ildən bəri hər il 8 avqustda qeyd olunur. Məqsəd isə dünyada pişiklərin problemlərinə diqqət çəkmək, onların həllinə nail olmaqdır.
Qeyd edilən tarixdə adətən əksər ölkələrdə sahibsiz pişiklərin vəziyyətinə və himayəyə götürülməsinə diqqət çəkmək üçün müxtəlif tədbirlər, postlar və maarifləndirmə kampaniyaları təşkil edilir. Beynəlxalq Pişik Günündə heyvansevərlər də bir araya gəlir, ağır yaşayış şəraiti ilə mübarizə aparan və zorakılığa məruz qalan pişiklər haqqında insanlara məlumat verirlər.
Mütəxəssislər bildirirlər ki, Beynəlxalq Pişiklər Günü nəinki pişiklərə sahib olmaq və onlara daha yaxşı həyat təmin etmək barədə məlumatlılığı artırır, həm də ev heyvanları sahiblərini onları mütəmadi olaraq baytarlıq müayinəsinə aparmağa təşviq edir. Bundan əlavə, heyvansevərlər arasında təcrübə mübadiləsi aparılır, pişik həvəskarları bu xüsusi gündə dostlarına sevgi və diqqət göstərməyə davam edirlər.
Türkan
Fotolar: Anar Bayramlı
