Almaniyada pendir oğurlayan polis işdən qovulub.

Sfera.az xarici mediaya istinadən xəbər verir ki, Almaniyada bir yük maşınının aşması nəticəsində böyük miqdarda çedar pendiri yola tökülüb.

İddialara görə, yola dağılan pendirin təxminən 180 kiloqramı bir polis işçisi tərəfindən götürülüb. Bu şikayətlə əlaqədar Almaniya Ali İnzibati Məhkəməsi iddianı araşdırıb və polisi günahkar bilərək vəzifədən azad edib. Oğurlanan pendirin dəyəri yüksək olmayıb.

Məhkəmə qərarında pendirin dəyərinin nisbətən aşağı olmasının əhəmiyyət kəsb etmədiyi və hadisə yerində oğurluğun qarşısının alınmasının polis əməkdaşının vəzifəsi olduğu bildirilib.

Vasif