57 yaş, cazibədar aktrisa, qocalmayan qadın...Söhbət avstraliyalı kino aktrisası, Hollivud ulduzu Nikol Kidmandan gedir. Bu gün ulduzun doğum günüdür.

Sfera.az onunla bağlı maraqlı məlumatları təqdim edir.

Əvvəlcə qeyd edək ki, Nikol 20 iyun 1967-ci ildə Havay Honoluluda anadan olub. Lakin o, uşaqlığının böyük qismini Avstraliyada keçirib. Atası Antoni Kidman biokimyaçı, psixoloq, yazar olub, anası Janel Kidman isə tibb bacısı, pedaqoq olub, eyni zamanda yoldaşının kitablarına redaktorluq edib.

İkili vətəndaşlıq

Nikol Kidman həm Avstraliya, həm də ABŞ vətəndaşlığına malikdir. Bunun səbəbi Nikol Kidmanın atasının doğulduğu vaxt ailəsi ilə birlikdə iş üçün Havayda olmasıdır. Havayda anadan olan Kidman bunun sayəsində ABŞ vətəndaşlığını alıb. 2004-cü ildə Birləşmiş Millətlər Təşkilatı tərəfindən "Dünya vətəndaşı" elan edilən Nikol Kidman 1994-cü ildən UNİCEF-in "Avstraliyanın xoşməramlı səfiri" ünvanını da daşıyır.

Həm təhsil, həm aktyorluq

Kidman 10 yaşında teatr məktəbinə getməyə başlayıb. 14 yaşına çatanda həm məktəbi, həm də aktyorluğu birləşdirib. Yəni Nikol hələ o zamanlardan həvəskar aktrisa olmağa çalışıb. Onun ilk filmi 1983-cü ildə çəkilib – Kidman Avstraliya dram filmi olan “Bush Christmas”da Helen kimi tamaşaçıların qarşısına çıxıb.

Tom Kruzlu müddət

Aktrisa 1990-cı ildə Hollivud ulduzu Tom Kruzla “Days of Thunder” adlı filmlə baş rolda oynayıb. Məhz bu filmdən sonra 24 dekabr 1990-cı ildə cütlük evlənib. Onların birlikdə olması həmin zaman böyük səs-küy yaratmışdı. Hətta bu münasibət onlara uğur da qazandırdı. Belə ki, ikilinin oynadığı daha bir film - “Far and Away” də böyük marağa səbəb oldu.

Tom Kruz və Nikol Kidman 1997-ci ildə yenidən birlikdə kamera qarşısına keçdilər. Onlar Stenli Kubrikin “Eyes Wide Shut” psixoloji trillerində ər-arvad rolunu oynayıblar. Nikol Kidman Tom Kruzla evliliyini 2001-ci ildə ailə birliyini qoruya bilmədiklərini əsas gətirərək bitirib. 2006-cı ildə o, Qremmi mükafatına layiq görülmüş musiqiçi Keyt Urbanla evlənib.

Mükafatlar siyahısı

“Others” filmindəki roluna görə "Qızıl Qlobus"a namizəd olan Nikol Kidman “Moulin Rouge”dakı roluna görə "Qızıl Qlobus" mükafatını alıb. Hətta eyni rola görə Oskar mükafatına da namizəd olub. O, 2003-cü ildə “The hours” filminə görə “ən yaxşı aktrisa” kateqoriyasında Oskar mükafatına layiq görülüb. İndiyə qədər “BAFTA”, “Qızıl Qlobus” və “Oskar”da bir çox nominasiya və mükafatlara sahibdir.

Qəribə fobiya

Kidmanın qəribə bir fobiası var. Aktrisa kəpənəklərdən qorxur...

Kidman və övladları

O, çoxuşaqlı ailədə anadan olmasa da, Tom Kruzla evliliyindən biri öz, ikisi isə övladlığa götürülməklə üç övladı var. Keyt Urbanla evliliyində cütlüyün həm öz uşaqları olub, həm də surroqat ana vasitəsilə başqa bir uşağa sahib olub.

Günay

İki dəfə ailə qurub, kəpənəklərdən qorxur, ikili vətəndaşlığı var... - Nikol Kidman kimdir?