Futbol tarixinin ən qürursuz qolu - FOTO
Dünya futbol tarixinin ən mühüm hadisələrindən biri olan mundialda iştirak etmək uğrunda yarışan Sovet İttifaqı və Çili yığması qarşılaşmasının hekayəsi çox maraqlıdır.
Sfera.az bu maraqlı hadisə haqqında yazı təqdim edir.
1974-cü ildə Qərbi Almaniyada keçiriləcək Dünya Çempionatına Avropadan 8, Cənubi Amerikadan 2 komanda birbaşa vəsiqə qazanacaq, hərəsindən bir komanda arasında final matçları keçiriləcək və qalib komanda Dünya Çempionatına vəsiqə qazanacaqdı.
1974-cü il dünya çempionatına vəsiqə qazanmaq üçün seçmə oyunda Çili və Sovet İttifaqı qarşılaşdı.
11 sentyabr 1973-cü ildə Çilinin qanlı faşist diktatoru Augusto Pinoçet 1970-ci ildə azad seçkilərlə hakimiyyətə gələn sosialist Salvador Alyende hökumətini qanlı çevrilişlə devirmiş, çevrilişə müqavimət göstərərkən minlərlə insan işgəncələrə məruz qalmış, həmçinin minlərlə insan və Allende özü də öldürülmüşdü.
Sovetlər Pinoçet hökumətini tanımadı və Çili ilə bütün diplomatik əlaqələri kəsdi.
Sentyabrın 26-da, yəni çevrilişdən 15 gün sonra Moskvada (Sovetlər Alyendenin müttəfiqi idi) ərəfə matçının ilk oyunu keçirilməli idi!
Xarici mətbuata məlumat sızmasından qorxan Sovet rejimi son anda Çili yığmasının Moskvaya gəlməsinə icazə verib.
Moskvada keçirilən ilk qarşılaşma gərgin mübarizə şəraitində keçib, jurnalistlərin və kameraların stadiona girişi qadağan edilib və oyun 0:0 hesabı ilə bitib.
İkinci oyun isə Santyaqodakı "Estadio Nacional"da keçirilməli idi. Yüzlərlə siyasi məhbusun işgəncələrə məruz qaldığı və öldürüldüyü bu stadionda sovetlər oynamaqdan imtina etdi. O, matçın neytral ölkədə olmasa da, Çilidən başqa hər hansı bir stadionda keçirilməsini tələb edib. FİFA və Çili isə bütün təklifləri rədd edib.
Sovet İttifaqı FİFA-nın qərarlarına reaksiya verəndə və öz futbolçularını Çiliyə göndərmədikdə, FİFA Çilinin bu matçda 2:0 hesablı qələbə qazandığını elan edib. Bununla belə, FİFA oyunun elan olunan gün və saatda simvolik olaraq oynanılacağını açıqlayıb. Çili yığması dolu tribuna önündə meydana rəqibsiz çıxıb.
Avstriyalı referi Erix Linemayr start fitini çalıb, çilili futbolçular start qolunu vurduqdan sonra da yarı boş meydançada dolanaraq qollarını “sovet”in qapısına vurdular.
Çili milli komandasının ulduzları Ceszaly və Veliz meydançada qaçmaqdan imtina edib, qaçan dostlarına baxır.
Eyni stadionda dəhşətli işgəncələrə məruz qalaraq qətlə yetirilən Çilili musiqiçi Viktor Jara öldürülməzdən əvvəl yazdığı “Estadio Chile” adlı şeirin/mahnının ingiliscə versiyası var. Bu mahnı Amerikalı musiqiçi Pete Seeger tərəfindən oxunur. Maraqlananlar üçün link təqdim edirik:
Aysel
Sfera.az
