Yay tətilini məşhur turizm məkanlarında keçirmək istəyən şəxslər bəzən gözləmədikləri xidmət keyfiyyətsizliyi ilə üzləşirlər. Yeni araşdırma, turistlərin gözləntilərini qarşılamayan və “turist tələsi” kimi qiymətləndirilən ən böyük altı məkanı müəyyənləşdirib.

Sfera.az xəbər verir ki, “Daily Mail”də dərc olunan və “Nomad Esim” şirkətinin analizinə əsaslanan araşdırmada turistlər tərəfindən ən çox mənfi rəy alan məkanların siyahısı açıqlanıb. Siyahıya ABŞ və Avropada yerləşən tanınmış turistlik ərazilər daxildir.

Fişermans Varf– San-Fransisko (ABŞ)

İllik 12 milyon turistin ziyarət etdiyi bu liman bölgəsi, 1 000-dən çox ziyarətçi tərəfindən “çirkli, köhnəlmiş və həddən artıq izdihamlı” olaraq qiymətləndirilib. Bu yer sadəcə dəniz aslanlarına baxmaq üçün cəlbedici hesab olunub.

Vall Druq– Cənubi Dakota (ABŞ)

1931-ci ildə kiçik bir aptek kimi fəaliyyətə başlayan bu kompleks bu gün 76 min kvadratmetrlik turistlik məkana çevrilib. Lakin 2 milyon ziyarətçiyə baxmayaraq, burada da turistlər sıxlıq və yüksək qiymətlərdən şikayətlənirlər. “Hər yerdə aldadılırsan” deyən turistlər az deyil.

Las Ramblas – Barselona, İspaniya

826 nəfər buranı “turist tələsi” kimi qeyd edib. Cibgirlik halları və izdiham burada əsas problemlərdir.

Temple Bar – Dublin, İrlandiya

687 mənfi rəy alan bu ərazi bahalı qiymətlər və təmizlik problemləri ilə turistlərin narazılığına səbəb olur.

Çekpoint Çarlie – Berlin, Almaniya

681 rəy arasında “tarixi yerin ucuz kommersiya nöqtəsinə çevrilməsi” ən çox tənqid olunub.

Royal Mile – Edinburq, Şotlandiya

539 mənfi rəy alan tarixi küçə bu gün turist izdihamının mərkəzinə çevrilib. Yerli sakinlər bu dəyişikliyi narazılıqla qarşılayıb.

Araşdırma nəticələri göstərir ki, məşhur və çox ziyarət edilən yerlər belə bəzən böyük məyusluğa səbəb ola bilər. Ekspertlər səfər planlayanlara tövsiyə edir ki, yalnız reklam və tanıtımlara deyil, real ziyarətçi rəylərinə də diqqət yetirsinlər.

Bəsti Rəfizadə
Sfera.az

Bu məkanlar turistləri məyus edir - Araşdırma