Əhali pulunu nəyə xərcləyir? Rəqəmlər
2024-cü ildə Azərbaycanda yaşayan əhali istehlak məqsədilə ay ərzində adambaşına 364 manat pul xərcləyib.
Sfera.az rəsmi dövlət statistikasına istinadən xəbər verir ki, istehlak xərclərində ən böyük pay qida məhsullarına məxsusdur.
Ötən il insanlar hər ay ərzağa 158 manat pul xərcləyib. Cəmi istehlak xərclərinin 43,5 faizini ərzaq xərcləri təşkil edib.
Əhalinin xərclərində ikinci ən yüksək pay pullu xidmətlərə məxsusdur. Bir ay ərzində adambaşına pullu xidmətlərə çəkilən xərc 150 manat olub.
Cəmi istehlak xərclərinin 41 faizindən çoxu pullu xidmətlərin alınmasından ibarətdir.
Dinamika göstərir ki, pullu xidmətlərə çəkilən xərcdəki artım ərzaq xərcləri ilə müqayisədə daha sürətlə gedir.
Pullu xidmətlər arasında kommunal xərclərə 29 manat, ictimai iaşə xərclərinə 26 manat, nəqliyyat xidmətlərinə 24 manat, səhiyyə xidmətlərinə 19 manat, istirahətə 15 manat pul xərclənib.
Əhali qeyri-ərzaq mallarının alınmasına isə adambaşına təxminən 57 manat ayırıb. Qeyri-ərzaq malları arasında ən çox pul ev əşyaları və məişət texnikasının alınmasına sərf olunub.
Vasif
Sfera.az
