"Qlobal ticarətin həcmi 330 milyard dollar azalacaq"- Vüqar Bayramov
ABŞ Prezidentinin tarif qərarı 2025-ci ildə qlobal ticarətin həcmini 330 milyard dollar azaldacaq.
Sfera.az xəbər verir ki, bunu Milli Məclisin deputatı Vüqar Bayramov özünün sosial şəbəkə hesabında yazıb.
V.Bayramovun sözlərinə görə, Dünya Ticarət Təşkilatının qiymətləndirmələrinə əsasən, yeni tariflər qlobal ticarətdə 1 faiz azalmaya səbəb olacaq.
Millət vəkili qeyd edib ki, 2024-cü ildə qlobal ticarətin həcminin 33 trilyon dollar olduğunu nəzərə alınarsa, dünya iqtisadiyyatına bu qərarın təsirlərini müəyyənləşdirmək çətin olmaz:
"Bununla yanaşı, Vaşinqtonun son qərarı yalnız Birləşmiş Ştatlarda deyil, bütövlükdə dünya bazarında qiymətləri yüksəldəcək. Göründüyü kimi, dünya iqtisadiyyatı yeni, heç də asan olmayan bir mərhələyə qədəm qoyur".
Firuzə Əliyeva
