Novruz süfrəsi bir ailəyə neçəyə başa gəlir? - ARAŞDIRMA

Novruz süfrəsi bir ailəyə neçəyə başa gəlir? - ARAŞDIRMA

Novruz bayramı ərəfəsində bazarlarda və marketlərdə canlanma müşahidə olunur. Ailələr bayram süfrəsini bəzəmək üçün ənənəvi nemətlərə üstünlük verirlər. Bazarlarda və mağazalarda mövcud olan qiymətlər göstərir ki, bu il ailələrin bayram xərci bir qədər də artacaq.

 

Bəs bu Novruzda bir orta ölçülü (dörd nəfərlik) ailənin bayram süfrəsini hazırlaması üçün nə qədər pul lazımdır?


Sfera.az xəbər verir ki, Novruz süfrəsinin ayrılmaz hissəsi olan çərəzlərdə bu il bahalaşma qeydə alınıb.

 

Şabalıdın kiloqramı yerli məhsul üçün 15-17 manat, idxal olunan variant üçün 8-9 manatdır. Qozun kiloqramı 6-12 manat arasında dəyişir. Fındıq 6-10 manata, badam 4,8 manata, püstə isə 27-35 manata təklif olunur.

 

Bayram süfrəsinin hazırlanması üçün daha çox pul mal və qoyun ətinin alınmasına, eləcə də kərə yağına gedəcək. 

 

Bayram ərəfəsində dana ətinin bir kiloqramı 15 manata, quzu ətinin bir kiloqramı 20-21 manata, kərə yağının bir kiloqramı isə 20-24 manata satılır.  


Digər əsas ərzaq məhsullarının qiymətləri isə aşağıda kimidir:


Turşu xiyar  2-4 manat;
Yaşıl noxud (400 qram) 3 manat;
Baş soğan 1,1 manat;
Kartof 0,8-1,2 manat;
Kök (400 qram) 0,9 manat;
Yumurta (10 ədəd) 1,55-4 manat;
Toyuq filesi (300 qram)  3,30 manat;
Xama (250 ml) 1,2 manat;
Mayonez (400 ml) 2-6 manat;
Təzə xiyar  3-3,5 manat;

 

Pomidor 2,7-3,5 manat;
Göyərtilər (1 dəstə)  0,25 manat;
Un 1,5 manat;
Şokalad 12-22 manat;
Balıq 9-12 manat;
Düyü 4,7 manat;
İydə 7 manat;
İnnab 9 manat;
Xurma 9-20 manat;
Şabalıd 11-12 manat;
Ərik qurusu 6-7 manat;
Alma 1,5-2,5 manat;
Mandarin 3-3,5 manat;
Banan 3-3,2 manat;
Baş soğan 1,1 manat;
Kola işkisi 1,4 manat;

 

Bazarlarda və marketlərdə bayram xonçaları da satışdadır. Kiçik xonçalar 25 manatdan başlayır, daha böyük və zəngin tərkibli variantlar isə 200-250 manata qədər təklif olunur.


Ümumilikdə, dörd nəfərlik bir ailənin Novruz bayramı süfrəsi üçün orta hesabla 370 manat xərc tələb olunur. 2024-cü ildə Novruz bayramı ərəfəsində süfrənin bir süfrənin qiyməti 330 manata başa gəlirdi. 


Müqayisə göstərir ki, bu il bir orta ölçülü ailənin bayram xərcləri təxminən 40 manat, yəni 12 faiz artıb. 

 

Bəsti Rəfizadə
 


OXŞAR XƏBƏRLƏR

22 il monastırda özünü rahibə kimi göstərərək yaşayıb - SƏBƏB

İyirmi ildən çox Dominikan monastırlarında "Marqarita bacı" kimi yaşayan Frank Tavaresin bənzərsiz hekayəsi ictimaiyyəti şoka salıb, kitablar və sənəd...

Daxılların adətən donuz formasında dizayn edilməsinin təəccüblü səbəbi - FOTO

Daxıllar insanlara pul qənaət etmək vərdişini inkişaf etdirməyə kömək etmək üçün ən çox istifadə edilən obyektlərdən biridir.   Bəs heç düşünmüsünüz...

Boşanma zamanı ev işi üçün 6800 dollar tələb edib: Məhkəmə 5 dəfə çox təzminat verdi

Bu yaxınlarda Çinin mərkəzindəki Zhongyuan Rayon Məhkəməsi boşanma zamanı ev işlərini gördüyünə görə qadına təqribən 35 min dollar təzminat təyin etmə qərarı çı...

Kommunal xidmətlərlə bağlı yenilik

Kommunal xidmətlərlə bağlı Vahid İnformasiya Sisteminin yaradılması və aidiyyəti sistemlərin inteqrasiyası üzrə 2025-ci il üçün Yol Xəritəsi Azərbaycan Respubli...

Azərbaycanda Novruz bayramıdır

Azərbaycanda bu gün Novruz bayramı qeyd edilir.   Sfera.az-ın məlumatına görə, Novruz yazın gəlişinin simvolu olan qədim xalq bayramıdır, mənası &ldq...

Əkrəm İmamoğlunun yeni görüntüləri yayıldı – VİDEO

İmamoğlunun ortağı olduğu şirkət məhkəmə qərarı ilə müsadirə edildi   Sfera.az xəbər verir ki, bu barədə Anadolu Agentliyi məlumat yayıb.   ...