Bu ilin yanvar-may aylarında Azərbaycanda neft məhsullarının istehsalı sahəsində istehsalın ümumi dəyəri 2155.4 mln. manat olmaqla, əvvəlki ilin müvafiq dövrü ilə müqayisədə 7% artıb.

Sfera.az bu barədə Dövlət Statistika Komitəsinə istinadən xəbər verir.

Məlumata görə, hesabat dövründə neft məhsullarının istehsalında ağ neft 20.6%, neft bitumu 18.9%, avtomobil benzini 7.7% artıb, mazut istehsalı isə 69.7% azalıb.

Neft məhsullarının istehsalı sahəsində istehsal edilmiş əsas məhsullar:

Məhsul növləri	2024-cü ilin yanvar-may aylarında istehsal edilmişdir	Əvvəlki ilin müvafiq dövrünə nisbətən, faizlə	01.06.2024-cü il vəziyyətinə hazır məhsul ehtiyatı
Avtomobil benzini, min ton	615	107.7	45.8
Ağ neft, min ton	267.7	120.6	59.2
Qazoyllar (dizel yanacağı), min ton	980.6	106.2	148.2
Mazut, min ton	1	30.3	1,8
Sürtkü yağları, min ton	27.7	106.1	6.9
Maye qazlar, min ton	82.5	79.3	5
Neft koksu; neft bitumu və neft məhsullarının digər qrupları, min ton	435.4	99.4	74.9
ondan:
neft bitumu, min ton	94.3	118.9	8.1
neft koksu, min ton	96.3	91.1	40.8

Azərbaycanda benzin istehsalı nə qədər artdı? - CƏDVƏL