Dünyada hava hücumundan müdafiə sistemləri BAHALAŞIR - QİYMƏTLƏR

İspaniya hökuməti Norveçin “Kongsberg Defence & Aerospace” korporasiyası ilə NASAMS III hava hücumundan müdafiə sisteminin alışı ilə bağlı müqavilə imzalayıb. Müqavilənin dəyəri 410 milyon avro (756 milyon manat) təşkil edib.

Sfera.az xəbər verir ki, bu barədə “Defense Express” məlumat yayıb.

Nəşrə danışan mütəxəssislərin rəyinə əsasən, bu qiymətə belə bir hava hücumundan müdafiə sisteminin alınması “dəlilik"dir. Onların fikrincə, NASAMS kimi orta mənzilli hava hücumundan müdafiə sisteminə bu qədər pulun verilməsi dövlətlərin hava hücumundan qorxmasının göstəricidir.

Bu qorxu ilə əlaqədar olaraq dövlətlər hava hücumundan müdafiə sistemlərinə getdikcə daha çox pul xərcləyirlər. Xüsusən real hərbi əməliyyatlar zamanı özünü doğruldan sistemlərə böyük tələbin yaranması müşahidə olunur.

Xatırladaq ki, 2023-cü ildə NASAMS-ın dəyəri 215 milyon dollar (365 milyon manat) səviyyəsində idi. Bir il ərzində qiymətlərin bu qədər qalxmasını mütəxəsislər dünyada hava hücumundan müdafiə sistemlərinə tələbin nə qədər böyük olduğunu əyani şəkildə nümayiş etdirdiyini bildiriblər. Ukrayna 2022-ci ildən NASAMS sistemlərinə sahibdir və onların vasitəsilə indiyə qədər çoxlu sayda raket və pilotsuz uçuş aparatı (PUA) vurulub. Bu sistemlərlə 50 km uzaqlıqda olan hədəfləri vurmaq mümkündür.

Vasif