"Zirə" və "Hayduk" arasındakı oyunların başlama vaxtı məlum oldu

UEFA Konfrans Liqasının II təsnifat mərhələsində "Zirə" və Xorvatiya "Hayduk"u arasında keçiriləcək hər iki oyunun başlama saatı müəyyənləşib.

Sfera.az Teleqraf-a istinadən xəbər verir ki, iyulun 23-də 8-ci km stadionunda ("Neftçi Arena") keçiriləcək ilk görüş saat 19:30-da başlanacaq.

Cavab qarşılaşması isə iyulun 31-də Split şəhərindəki "Polyud" stadionunda təşkil olunacaq. Matçın start fiti yerli vaxtla saat 21:00-da (Bakı vaxtı ilə saat 23:00-da) çalınacaq.