"İdman TV"dən ittihamlara CAVAB: "Bu, bizim günahımız deyil"

"İşimizdə qara rənglərin axtarılmasını anlaya bilmirəm. Necə ola bilər ki, Azərbaycan idmançısı olimpiadada çıxış etsin, imkan olduğu halda biz onu yayımlamayaq? Məsələnin qoyuluşu mənə təəccüblü gəlir. Deyirlər ki, qələbə qazananda vermirlər, uduzanda yayımlayırlar. Biz bunu əvvəlcədən necə bilərik?".

Sfera.az xəbər verir ki, bu fikirləri "Report"a açıqlamasında "İdman TV"nin direktoru Rövşən Binnətli telekanalın Azərbaycan idmançıları - sablyaçı Anna Başta, cüdoçu Rüstəm Orucov və stend atıcısı Emin Cəfərovun iştirakı ilə keçirilən görüşlərin canlı yayımlanmamasının səbəbi barədə danışarkən deyib.


Telekanal rəhbərinin sözlərinə görə, Orucovun yalnız 2 və 3-cü döyüşləri yayımlanmayıb. O, problemin ötürülən siqnallarla bağlı olduğunu bildirib: "Əlbəttə, bu görüşlərin hamısı canlı yayımlanmalı idi. Budəfəki olimpiadada yayımlar yeni texnoloji üsulla həyata keçirilir. Yalnız bizə ötürülən siqnalları qəbul edirik. Məsələn, bəzən cüdonun bütün parametrləri yığılır, baxırsan ki, başqa yarış gedir. Murad Fətiyevin görüşü zamanı qalibin elan edilməsi ilə siqnalın kəsilməsi eyni anda baş verdi. Bizə cüdo yarışının parametrlərini verirlər, daxil oluruq, amma yelkənli qayıq yarışı çıxır".

Binnətlinin sözlərinə görə, telekanalın bir nömrəli məqsədi idmançıların təbliğinə yönəlib: "Yazırlar ki, "İdman TV" Rostislav Pevtsovu bir dəfə də iri planda göstərməyib. Bir az qəribə iraddır. Axı, bu çəkilişləri biz aparmırıq. Pevtsov finişə 41-ci çatıb. Əlbəttə, ilk "10-luğ"a düşənləri daha çox göstərəcəklər. Bu, bizim günahımız deyil. Hər şey ötürülən siqnallarla bağlıdır. Başqa ölkələrdə də belə problemlər yaşana bilər. Əvvəllər siqnallar bir tezliklə qəbul olunurdu, sonra 5 fərqli monitorda onu görə və keçid edə bilirdik. İndi isə cüdo yarışlarının bir hissəsi bu formatda, digər hissəsi isə fərqli formatda ötürülür. Bunu tapanadək isə idmançı öz çıxışını başa vurur".

Direktor özləri tərəfdən heç bir texniki problemin olmadığını söyləyib: "Siqnalı qəbul edə bilirik. Yəqin, Beynəlxalq Olimpiya Komitəsi yeniliyi tətbiq edib, amma sonadək düşünməyib. Bilmirəm, bu məsələ əvvəldən necə düşünülüb. Bizim texniklərimiz kifayət qədər təcrübəlidir. Onlar həmin siqnalı tapmaqda ciddi problemlə üzləşmirlər. Sadəcə, göstərilən ünvana çıxanda, görürsən ki, orada bu yarış getmir".

Binnətli Beynəlxalq Olimpiya Komitəsi və yayımçı şirkətə irad bildirdiklərini də vurğulayıb: "Müraciət etmişik ki, başıpozuqluluğa son qoyulsun. Nə problem varsa, desinlər, işimizi bilək. Yayımçı şirkətdən üzrxahlıq edib bildirdilər ki, bu məsələ araşdırılacaq. Onun qarşısına fakt qoymuşuq ki, siqnal 8 dəqiqə tez kəsilib. Əslində həmin məktub ilkin araşdırmada bizim haqlı olduğumuzu göstərdi. Yekun nəticəni bizə deyəcəklər. Mənə də ağır gəlir ki, idmançılar əziyyət çəkib olimpiadaya lisenziya qazanıblar, ölkəni təmsil edirlər, amma onların çıxışlarını yayımlaya bilmirik".

Sehliyali
Turan Bank

OXŞAR XƏBƏRLƏR

Kiprdə Qurban Qurbanova qarşı təxribat, baş məşqçi özündən çıxdı - VİDEO

Avropa Konfrans Liqasının 3-cü təsnifat mərhələsinin ilk oyunu çərçivəsində Kiprdə keçirilən AEL - "Qarabağ" matçının son dəqiqələrində gərgin anlar yaşanıb. ...

"İdman TV"dən ittihamlara CAVAB: "Bu, bizim günahımız deyil"

"İşimizdə qara rənglərin axtarılmasını anlaya bilmirəm. Necə ola bilər ki, Azərbaycan idmançısı olimpiadada çıxış etsin, imkan olduğu halda biz onu yayımlamayaq...

Operativ Qərargah razılıq verdi: Klublarımıza xoş xəbər

Azərbaycan klublarının avrokubok oyunlarında tribunalara stadionların ümumi azarkeş tutumunun 50 faizi qədər azarkeş buraxılacaq. Sfera.az xəbər verir ki,...

Avro-2020 matçında şok anlar, oyun dayandırıldı - VİDEO

Avro-2020-nin B qrupunda keçirilən Danimarka - Finlandiya oyununda şok anlar yaşanıb. Sfera.az xəbər verir ki, qarşılaşmanın 43-cü dəqiqəsində danimarkalı...

Səmayə Məmmədovanın yerinə - TƏYİNAT

Gənclər və İdman nazirliyinin mətbuat xidmətinin icrası müvəqqəti olaraq nazirliyin əməkdaşı Qabil Mehdiyevə həvalə edilib. Sfera.az xəbər verir ki, bu ba...

Maradonanın dəfnində gərgin anlar – Arvadı ilə sevgilisi...

Əfsanəvi futbolçu Dieqo Maradonanın vida mərasimində gərgin anlar yaşanıb. Sfera.az xəbər verir ki, futbolçunun 6 illik sevgilisi Rokio Oliviya ilə Mara...