Arif Babayev milli musiqimizə misilsiz töhfələr verib - Millət vəkili

Millət vəkili Göydəniz Qəhrəmanov bu gün vəfat edən Azərbaycanın görkəmli muğam ustadı, Xalq arstisti Arif Babayevlə bağlı paylaşım edib. 

Sfera.az xəbər verir ki, Göydəniz Qəhrəmanov paylaşımında Arif Babayevin Azərbaycan musiqi mədəniyyətinin əvəzsiz simalarından biri olduğunu qeyd edib. 

"Muğam sənətimizin canlı əfsanəsi, Azərbaycan musiqi mədəniyyətinin əvəzsiz simalarından biri, Xalq artisti Arif Babayevin dünyasını dəyişməsi xəbərini dərin kədərlə öyrəndim", - deyən Göydəniz Qəhrəmanov Arif Babayevin təkcə səsləndirdiyi muğamlarla deyil, həm də yaratdığı məktəblə, yetişdirdiyi tələbələrlə milli musiqi irsimizin qorunmasına və gələcək nəsillərə ötürülməsinə misilsiz töhfələr verdiyini vurğulayıb:

"Arif Babayevin əziz xatirəsi daim qəlbimizdə yaşayacaq.

Ailəsinə, sənət dostlarına və bütün musiqisevərlərə dərin hüznlə başsağlığı verir, səbir diləyirəm. Allah rəhmət eləsin !"

Altay