ABŞ Prezidenti Co Bayden rus müxalifətçi Aleksey Navalnının həyat yoldaşı Yuliya və qızı Daria ilə görüşüb.

Sfera.az bildirir ki, bu barədə Ağ Evin rəsmi saytında məlumat dərc olunub.

“Bayden Yuliya və Daria Navalnıya başsağlığı verib”, - bildirilib. Məlumata görə, ABŞ liderinin Navalnı ailəsi ilə görüşü San-Fransiskoda baş tutub.

Xatırladaq ki, rusiyalı müxalifət lideri Aleksey Navalnı fevralın 16-da Rusiya koloniyalarından birində dünyasını dəyişib. Federal Penitensiar Xidmətin regional şöbəsi siyasətçinin gəzintidən dərhal sonra xəstələnib, huşunu itirdiyini bildirib. Fevralın 19-da müxalifətçinin həyat yoldaşı Yuliya Navalnaya ərinin işini davam etdirəcəyini bildirib və rusları “rejimlə mübarizəyə” çağırıb. Rusiya Prezidentinin sözçüsü Dmitri Peskov bildirib ki, onun ölümü ilə bağlı araşdırma aparılır, lakin hələlik nəticələr məlum deyil. Qərb ölkələri isə kütləvi şəkildə Navalnının ölümündə Rusiya Federasiyasını ittiham etməyə başlayıblar. Kreml bu cür ittihamları “əsassız” adlandırıb.

Günay