Taylandda küçə yeməklərinin qablaşdırmasında mindən çox xəstənin şəxsi məlumatları tapılıb.

Belə ki, xəstələrin tibbi sənədləri küçədə satılan yeməklər üçün sarğı kimi istifadə olunub.

Sfera.az bildirir ki, küçə yeməklərinin qablaşdırmasında min səhifədən çox xəstələrin şəxsi məlumatları aşkar edildikdən sonra xəstəxana 37,000 dollardan çox cərimə ödəyəcək. Sızma üçüncü tərəf podratçısı tərəfindən sənədlərin ehtiyatsızlıqla məhv edilməsi nəticəsində baş verib.

Ubon Raçathani əyalətindəki özəl xəstəxana köhnə tibbi sənədləri yerli ailə biznesinə təhvil verib. Lakin podratçı sənədləri məhv etmək əvəzinə evdə qoyub. Nəticədə, məxfi xəstə məlumatları olan kağızlar bazara çıxıb və onlardab qida qabları hazırlamağa başlanılıb.

Pozuntunu "Dr. Lab Panda" təxəllüsü ilə tanınan şəxs aşkar edib. 2024-cü ilin may ayında o, qida qablaşdırmasında xəstə məlumatlarından necə istifadə edildiyini göstərən fotoşəkillər paylaşıb. Sənədlərdən birində hətta hepatit B-yə yoluxma ilə bağlı məlumatlar da olub. Onun postu tez bir zamanda viral olaraq, 33 000-dən çox reaksiya və 1 700 şərh toplayıb.

Açıqlamadan sonra Tayland hökumətinin Fərdi Məlumatların Mühafizəsi Komitəsi (PDPC) araşdırma aparıb. Komitə mindən çox qorunan faylın sızdığını təsdiqləyib. Nəticədə xəstəxana 1,21 milyon bat (təxminən 37 min ABŞ dolları), podratçının sahibi isə 16 940 baht (520 ABŞ dolları) məbləğində cərimələnib.

Qeyd edək ki, bu cərimələr Taylandın 2019-cu il Şəxsi Məlumatların Mühafizəsi Aktının tam versiyasının qüvvəyə minməsindən bəri ilk cərimələrdir.

Sosial şəbəkələrdə istifadəçilər isə əksərən qəzəblənirlər. Bəziləri xəstəxananın lisenziyasının ləğv edilməsinə, bəziləri isə bu cür qablaşdırmadan istifadə edən satıcıları boykot etməyə çağırır. Bəziləri isə belə qablaşdırmanın gigiyenasından narahat olduqlarını bildirirlər.

Aynil

Tayland xəstəxanası məxfiliyin pozulmasına görə cərimələndi