Qəzza sakinləri Somaliyə köçürülə bilər
ABŞ-nin aparıcı konsaltinq şirkəti "Boston Consulting Group" (BCG) İsrailli iş adamlarının sifarişi ilə Qəzza sakinlərinin Somaliyə və tanınmamış Somalilend Respublikasına köçürülməsi ilə bağlı ssenariləri modelləşdirib.
Sfera.az Oxu.Az-a istinadən xəbər verir ki, bu barədə "Financial Times" qəzeti öz mənbələrinə istinadla məlumat verib.
Bildirilir ki, araşdırmada müvəqqəti köçürülmənin iqtisadi tərəfləri - yaşayış evlərinin tikintisi və kirayə xərcləri, ərzaq və tibbi təminat daxil olmaqla hesablanıb. Sənəddə Somalidən əlavə, Misir, İordaniya və BƏƏ-də yerləşmə üçün nəzərdən keçirilən məkanlar da yer alıb.
Layihə ABŞ Prezidenti Donald Trampın Qəzzanı Amerikanın nəzarətinə alaraq onu "Yaxın Şərqin Rivyerası"na çevirmək təşəbbüsü çərçivəsində, müharibədən sonrakı dövr üçün plan hazırlığının bir hissəsi olub.
