Doğuşdan sonra üzündə qorxunc izlər yaramağa başlayan qadın təcrübəsini paylaşdı -FOTO

Hamiləlik qadının bədənində və dərisində bir çox dəyişikliklərə səbəb ola bilər. Malayziyalı qadının doğuşdan sonra sifətindəki dramatik dəyişiklik sosial mediada milyonlarla insanın diqqətini çəkib. Mütəxəssislər bu nadir vəziyyətin mümkün səbəblərini açıqlayıblar.

Sfera.az bildirir ki, bu yaxınlarda sosial şəbəkələrdə paylaşılan bir video sürətlə yayılaraq viral olub.

Videoda Malayziyalı qadının hamiləlikdən sonra yaşadığı dramatik üz dəyişikliyi göstərilir. Gənc qadın hamiləliyi boyunca üzündə sıx qızartı və əhəmiyyətli toxuma dəyişiklikləri yaşadığını və doğuşdan aylar sonra belə bu təsirlərlə mübarizə apardığını izah edir.

Bəs Fərəhin yaşadığı bu dəri dəyişikliyi nə idi?

Mütəxəssis Dr. Zachary Rubin “Instagram”da mümkün səbəbləri vurğulayan bir video paylaşıb:

"Onu körpəsi doğulmasımünasibətilə təbrik edirəm və ümid edirəm ki, həm o, həm də körpəsi indi sağlamdır. Hamiləlik hormonal dəyişikliklərə görə orqanizmə müxtəlif təsirlər göstərə bilər. Bunlardan biri də müxtəlif dəri səpgiləridir"-Rubin, gənc qadının rosacea üçün lazer müalicəsi aldığını qeyd edərək, vəziyyəti şərh edib:

"Mən qəti diaqnoz qoya bilmirəm, lakin bu vəziyyət pyoderma faciale olaraq da bilinən rosacea fulminans ola bilər. Olduqca nadir bir vəziyyətdir. Bu, adətən gənc qadınlarda qəflətən yaranan və şiddətli, qırmızı düyünlərlə özünü göstərən rosacea növüdür. Adətən bir ildən çox davam etmir və hamiləlik zamanı inkişaf edə bilər. Standart müalicə yoxdur, lakin dəri üçün steroidlər, antibiotiklər istifadə edilə bilər. 

Sevindirici olan isə qadının üzünün doğuşdan sonra xeyli yaxşılaşmasıdır.

Aysel