Böyük Britaniyadan İspaniyaya yola düşməyə hazırlaşan “Ryanair” təyyarəsində gözlənilməz böhran yaşanıb. Sərnişin qaydalara əməl etmədiyi üçün reys iki saat gecikib. Həmin anlar sərnişinin kamerasına düşüb.

Sfera.az bildirir ki, iyulun 3-də Edinburq hava limanından İspaniyanın Alikante şəhərinə yola düşməyə hazırlaşan “Ryanair” reysi gözlənilməz insident səbəbindən iki saat gecikib.

Gecikməyə sərnişinin tualetdə elektron siqaret çəkməsi səbəb olub.

Həmin vaxt təyyarədə olan 39 yaşlı Tristan Ceyms Uolker hadisəni cib telefonu ilə lentə alıb. O ifadəsində bildirib ki:

“Gənc çox sakit idi, mübahisəyə başlamırdı və heç bir münaqişə yox idi”.

Uolker izah edib ki, stüardessa xəstələndiyi üçün uçuş onsuz gec başlayıb və hadisə tualetdəki tüstü detektorunun işə düşməsi ilə başlayıb.

Pilot kabin heyəti ilə məsləhətləşdikdən sonra siqaret çəkən sərnişinin təyyarədən çıxarılacağını açıqlayıb.

Az sonra təyyarəyə gələn 6 polis əməkdaşı elektron siqaret çəkdiyi aşkarlanan 21 yaşlı sərnişini gözləyən polis maşınına qədər müşayiət edib. Bu an sosial mediada sürətlə yayılan videoda qeydə alınıb.

Hadisənin maraqlı tərəfi, Uolkerin bir neçə gün sonra İspaniyanın Benidorm şəhərində eyni sərnişinlə qarşılaşması olub. Gənc oğlan “Ryanair” tərəfindən qara siyahıya düşdüyünü və bir daha heç vaxt aviaşirkətlə uçmayacağını bildirib.

Şotlandiya polisi sözügedən şəxsin rəsmi olaraq "aviasiya ilə bağlı cinayətdə" ittiham edildiyini açıqlayıb.

Təəssüf ki, belə hadisələr təkcə tək reyslərlə məhdudlaşmır. Ötən ay təyyarədə bir neçə sərnişinin siqaret çəkməsi səbəbindən uçuş saatlarla gecikib. Sərnişinlər Men ştatının hava limanında 17 saat gözləməli olublar.

Aynil

Uçuş qaydalarına məhəl qoymayaraq 2 saat gecikməyə səbəb oldu: Təyyarədən endirildi