Qadını geyiminə görə Parisdə gecə klublarına buraxmadılar
Amerika Birləşmiş Ştatlarından olan turist Leyni Taker Fransa paytaxtını gəzərkən seçdiyi ayaqqabılara görə Paris gecə klublarına buraxılmayıb.
Sfera.az bildirir ki, Leyni gecə klublarının girişində tələb olunan hündürdaban ayaqqabıları gətirmədiyinə görə içəri buraxılmayıb.
"Parisə gələn bütün qızlar üçün vacib qeyd: Dünən gecə sandal geyindiyimiz üçün bir neçə klubdan uzaqlaşdırıldıq. Demək olar ki, hər yerdə dabanlı ayaqqabı tələb olunur"- deyə qadın bildirib.
O, bir çox klublardan uzaqlaşdırıldığını, lakin sonda mühafizəçiyə sandalının “Valentino” olduğunu söyləməklə bir kluba girə bildiyini bildirib.
"Mən düzünü desəm, buna görə özümə nifrət edirəm. Məni birbaşa həbsxanaya göndərin".
Sosial şəbəkələrdəki insanlar vəziyyətə fərqli reaksiya verib, bəziləri Leynini hazır olmamaqda günahlandırır, bəziləri isə klubların köhnəlmiş siyasətini tənqid edir.
"Bir fransız qadını olaraq, bu axmaq daban qaydasının sona çatacağına ümid edirdim. Ciddi. Kişilər idman paltarları ilə klublara girirlər, rəqs meydançasında ayaqlarını sındıran isə bizik" - şərhçilərdən biri yazıb.
İstifadəçilərdən bir qismi isə gecə klublarının bəzilərinin hündürdaban ayaqqabılar tələb etmədiyini bildirib. Onların fikrincə, bu, üslub və təhlükəsizlik məsələsidir.
Aysel
