Avropa kurortlarında turistlər şezlonglar ətrafında ajiotaj yaradıb. Ən yaxşı yerlər ətrafında həyəcan turistlər arasında əsl qarşıdurmalara və sosial mediada viral video dalğasına səbəb olub.

Sfera.az bildirir ki, bütün Avropadakı otellər hovuz kənarındakı şezlonglarla bağlı münaqişələrin qarşısını almaq üçün yeni qaydalar və hətta təhlükəsizlik tətbiq edirlər. Bu yay turistlərin kütləvi şəkildə xaricə istirahətə üz tutduğu bir vaxtda bəzi otellər şezlong çatışmazlığı problemini və bununla bağlı yaranan münaqişələri həll etmək üçün yeni yollar axtarmağa məcbur olublar. Səhər tezdən oyanıb hovuz kənarında yaxşı yer tapmaq üçün günəş kürsüsünə dəsmal qoya bildiyiniz günlər çoxdan geridə qalıb.

Bəzi otellər şezlonqlar üçün sözün əsl mənasında yarışan turistlərin viral videolarından sonra gələn tələskənliyin qarşısını almaq üçün təhlükəsizlik işçilərini işə götürməyə məcbur olublar.

Bir “TikTok” istifadəçisi Tenerifedəki otellərdən birindən bir video paylaşıb. Videoda mühafizəçi hovuz sahəsinin qapılarını açır və onlarla insan dərhal əllərində dəsmal ilə yerlərini tutmağa tələsirlər.

Qeyd edək ki, videoda təsvir olunan otel günəş şezlongları üçün səhər döyüşlərindən qaçmaq üçün bu cür tədbirlərə əl atan yeganə otel deyil.

Başqa bir istifadəçi də “TikTok”da Türkiyədəki oteldən bir video yerləşdirib, burada mühafizəçilər səhər saat 7-dən əvvəl nəzarətsiz şezlonglardan dəsmalları götürürlər.

@grantsimpson10 The morning rush at Bitacora #tenerife #fyp #run #sunloungers ♬ original sound - Grant Simpson

Səhər saat 6:30-da lentə alınan kadrlarda dəsmallar səpələnmiş onlarla şezlonq görünür. Videonun müəllifi əlavə edib ki, əgər sahibi ətrafda deyilsə, təhlükəsizlik onları yığışdırır:

Xatırladaq ki, daha əvvəl internetdə başqa bir hadisə müzakirə edilmişdi. Kritdəki beşulduzlu oteldə hovuz kənarındakı ən yaxşı yerlərə "hücum". Səbəb, bütün günü şezlonglarda video və ya foto çəkmək istəyənlərin olması idi.

Aynil

Çimərlikdə şezlonq uğrunda dava Avropaya da çatdı - VİDEO