Çimərlik geyimi ilə gəzənlər cərimələnəcək
İspaniyanın Malaqa şəhərinin hakimiyyəti itaətsiz davranışlarına görə turistlərə qarşı qətiyyətli tədbirlər görüb.
Belə ki, istirahətə gedənlərin çimərlik paltarında və şortikdə şəhərin küçələrində görünməsindən dəfələrlə narazılığını bildirən yerli sakinlərin çoxsaylı şikayətlərinə cavab olaraq meriya insanların xarici görünüşünü tənzimləyən yeni qaydalar tətbiq edib.
Sfera.az bildirir ki, iyul ayından etibarən Malaqanın mərkəzindəki çimərliklərdən kənarda və məşhur turistik məkanlarda çimərlik paltarı və mayo geyinmək qadağan edilib. Bundan sonra turistlərə ictimai yerlərdə həmişə üst paltar geyinmək tövsiyə olunur - bu tələb yerli sakinlərə hörmət və gigiyena standartlarına riayət etməklə əsaslandırılır. Qanunu pozanları 750 avroya qədər cərimə gözləyir.
Bu tədbir təkcə şəhərdə rahatlıq və asayişi qorumaq üçün deyil, həm də Malaqanın adət-ənənələrinə və mədəniyyətinə hörmətin vacibliyini vurğulamaq məqsədi daşıyır.
Mənbə vurğulayıb ki, hakimiyyət qaydalara riayət olunmasına nəzarəti davam etdirir və turistləri istirahətləri zamanı müəyyən edilmiş məhdudiyyətləri nəzərə almağa çağırır.
Aynil
