Rus PUA-ları şəhərlərə endi - Ukrayna isə "balıq torları” qordu

Ukrayna pilotsuz uçuş aparatlarına (PUA) qarşı mübarizədə qeyri-adi müdafiə üsuluna əl atıb. Rusiya ordusunun artan hava hücumlarına qarşı Ukrayna əsgərləri minilliklərə dayanan bir texnikadan – balıq torlarından istifadə etməyə başlayıb.

Sfera.az xarici mediaya istinadən xəbər verir ki, yol kənarındakı dirəklərə çəkilən bu torlar Rusiya PUA-larını havada zərərsizləşdirməyə kömək edir. Kiçik partlayıcılarla təchiz edilmiş bu aparatlar torlara ilişərək məqsədinə çata bilmir. Torlar xüsusilə cəbhə xəttinə yaxın olan Kostiantynivka şəhərində geniş tətbiq edilir.

“CNN”ə danışan komandirlərdən bildirib ki, bölgəyə artıq səkkiz aydır yeni canlı qüvvə göndərilmir, cəbhə ilə təminat yalnız dronlar vasitəsilə həyata keçirilir. Kostiantynivkada əhali torlarda keçid yerləri açaraq hərəkət edir. Lakin bu boşluqlar Rusiya dron operatorları tərəfindən tezliklə aşkarlanır və istifadə olunur.

Moskvanın elit “Südnıy Den” dron birliyi sosial mediada torları keçən dron görüntüləri paylaşır. Şəhər küçələri isə vurulmuş avtomobillərlə doludur. Son bir ayda vəziyyətin daha da pisləşdiyi bildirilir.

Ekspertlər bildirir ki, müasir döyüş artıq iki istiqamətdə aparılır: dronlarla ovlayanlar və ovlananlar. Rusiya tərəfinin “Rubicon” adlı yeni dron qruplarının peşəkar hazırlığı diqqət çəkir. Onlar bəzən havada asılmış ipi Ukrayna dronlarının pərlərinə dolayıb onları sıradan çıxarırlar.

Ukraynada müharibə yalnız səngərlərdə deyil, artıq göylərdə də davam edir.

Bəsti Rəfizadə

Sfera.az