İsrailə təzyiq Qəzzada atəşkəs şansını sarsıdır - Nazir

İsrailə beynəlxalq təzyiqlər onun siyasətini dəyişməyəcək, bu, yalnız Qəzza zolağında atəşkəsin təmin edilməsi və girovların azad edilməsi şanslarını sarsıdacaq. 

Sfera.az xarici KİV-ə istinadən xəbər verir ki, bu sözləri İsrailin xarici işlər naziri Gideon Saar keçirdiyi mətbuat konfransında deyib.

"Diplomatik təzyiq siyasətimizi dəyişməyəcək. Heç bir xarici qüvvə İsraili təhlükəsizliyini qurban verməyə məcbur etməyəcək. Biz hər zaman konstruktiv dialoqa açığıq, lakin bizə təzyiqlər faydalı olmayacaq", - Saar deyib. 

“İsrailə təzyiq Qəzzada atəşkəs və girovların azad edilməsi şanslarını birbaşa pozur, o, yalnız hərbi eskalasiyaya təkan verir. Eyni zamanda HƏMAS-ın danışıqlarda mövqeyini sərtləşdirir”, - o əlavə edib.

Fidan Hacızadə
Sfera.az