“OnlyFans” Çində qadağan olundu – Hökumət səbəbini açıqladı

Qapalı və sərt idarəçilik sistemi ilə tanınan Çin hökuməti, “OnlyFans” platformasını rəsmi şəkildə bloklayıb. Rəsmilər bu addımı “Qərbin mənəvi tənəzzülünün simvolu” və “Qərbin bataqlığı” kimi kəskin ifadələrlə izah ediblər.

Sfera.az xəbər verir ki, 2025-ci ilin əvvəlində platformaya qısa müddətlik VPN-siz giriş mümkün olsa da, bu, bəzi istifadəçilərdə Çin internet senzurasında yumşalma olacağı ilə bağlı ümid yaratmışdı. Lakin iyul ayından etibarən “OnlyFans”ə giriş tamamilə məhdudlaşdırılıb.

Hakimiyyətin açıqlamasına görə, platforma yalnız etik dəyərlərə deyil, həm də “mənəvi çirklənməyə” və xarici ideoloji təsirlərin yayılmasına səbəb olur. Hökumət nümayəndələri bildiriblər ki, bu tip məzmunlar ictimai asayişə və mədəni normalara ciddi zərər vurur.

“OnlyFans”in abunəlik sistemi, tənzimlənməyən söz azadlığı və Qərb ideologiyasının daşıyıcısı olması səbəbilə Çin tərəfindən təhlükəli hesab edilir. Qadağa, ölkənin uzun illərdir tətbiq etdiyi “Böyük Təhlükəsizlik Divarı” çərçivəsində həyata keçirilib.

Bəsti Rəfizadə
Sfera.az