Tramp Ursula fon der Leyeni "yedi" - Orban
ABŞ Prezidenti Donald Tramp ilə Avropa Komissiyasının sədri Ursula fon der Leyen arasında Şotlandiyada keçirilən danışıqlar Macarıstanın Baş naziri Viktor Orbanın sərt reaksiyasına səbəb olub.
Sfera.az “TASS” agentliyinə istinadən xəbər verir ki, Orban bildirib ki, Tramp danışıqlarda “ağır çəkili oyunçu” kimi çıxış edib, Ursula fon der Leyen isə “sadəcə lələk” təsiri bağışlayıb.
O, razılaşmanın Avropa İttifaqından daha çox ABŞ-nin maraqlarına xidmət etdiyini vurğulayıb.
Orbanın sözlərinə görə, fon der Leyen ABŞ iqtisadiyyatına yüz milyardlarla avro sərmayə vəd etsə də, bu vəsaiti hansı ölkələrin təmin edəcəyi məlum deyil. Baş nazir həmçinin avropalıların Amerika silahları alması ilə bağlı xəbərləri xatırladaraq, “Avropa Komissiyasının ordusu yoxdur” deyib.
Danışıqlardan sonra Tramp açıqlayıb ki, ABŞ və Aİ ABŞ bazarına daxil olan bütün Avropa mallarına 15% idxal rüsumu tətbiq edəcək, Aİ isə ABŞ mallarına rüsum qoymayacaq. Fon der Leyen bildirib ki, bu güzəşt ABŞ-nin əvvəl planlaşdırdığı 30%-lik tarifləri azaltmaq müqabilində əldə olunub. Razılaşmaya əsasən, Avropa ölkələri Rusiyadan deyil, ABŞ-dən mayeləşdirilmiş qaz və nüvə yanacağı alacaqlar.
Fidan Hacızadə
Sfera.az
