Sidneydən Hobarta gedən VA1528 saylı Virgin Australia reysi ilə uçan sərnişinlər eniş zamanı əsl şok yaşayıblar.

Sfera.az bildirir ki, “Virgin Australia” təyyarəsinin göyərtəsində çantada olan bir əşya səbəbindən yanğın baş verib. Səbəb üst zibil qutusunda alışan xarici batareya olub.

Hadisə şahidlərinin sözlərinə görə, əvvəlcə salonda yanıq qoxusu yaranıb. Uçuş bələdçiləri baqaj bölməsini açanda tüstülənən litium batareya tapıblar.

Ekipaj eniş etməzdən əvvəl yanğını tez bir zamanda söndürə bilib. Enişdən sonra batareyanın olduğu çanta dərhal çıxarılıb və standart prosedura uyğun olaraq bütün sərnişinlər təxliyə edilib. Xoşbəxtlikdən xəsarət alan olmayıb.

“Virgin Australia” bildirib ki, təyyarə təhlükəsiz eniş edib və heç bir sərnişinin tibbi yardıma ehtiyacı yoxdur. Ekipaj həkimlər tərəfindən müayinə olunsa da, xəsarət alan olmayıb. Bununla belə, aviaşirkət əlavə yoxlamalar üçün yanğın yerinin yaxınlığında əyləşmiş sərnişinlərin axtarışına başlayıb.

Hadisədən sonra təyyarədə zədə olub-olmaması yoxlanılıb və Sidneyə qayıdış uçuşu üçün başqa bir təyyarədən istifadə edilib.

Qeyd edək ki, bu hadisə yanvar ayında “Air Busan təyyarəsinin göyərtəsində baş verən yanğını xatırladır. Həmin hadisə zamanı da yanğın xarici akkumulyator səbəbindən baş verib. 179 sərnişin dərhal təxliyə edilməli olub və təyyarə tamamilə məhv edilib.

Bu cür hadisələrə cavab olaraq, bütün dünyada hava yolları litium batareyaları ilə bağlı siyasətlərini sərtləşdirməyə başlanılıb. Aprel ayından etibarən Sinqapur Hava Yolları sərnişinlərə enerji banklarını doldurmaq üçün oturacaqlarındakı USB portlarından istifadə etməyi və ya ümumiyyətlə uçuş zamanı istifadəni qadağan edib. Power banklara yalnız daşıyıcı ilə razılaşaraq 160 vatt limitlə, 100 vatt-a qədər əl yükündə icazə verilir.

“Qantas” və “Virgin Australia” şirkətləri də ciddi tədbirlər görüblər: çıxarılmayan litium batareyaları olan baqajın daşınması qadağandır və bütün ehtiyat batareyalar qısaqapanmadan qorunan əl baqajında aparılmalıdır.

Melburn Universitetinin professoru Amandra Ellisin sözlərinə görə, litium batareyaları vahid standartların olmaması və cihazların tərkibində şəffaflığın olmaması səbəbindən təhlükəli ola bilər.

"Biz bu batareyaların içərisində dəqiq nə olduğunu bilmirik - hər şey kommersiya sirrinin təsnifatı altında gizlənir".

Aysel

Təyyarədə çaxnaşma: Sadəcə bir əşya təyyarənin yanğına səbəb oldu - FOTO