"Avqust ayı Ukrayna üçün çətin olacaq" - Sırski
“Ukrayna ordusu “beynəlxalq vəziyyətin qeyri-sabitliyi” səbəbindən silah və hərbi texnika əldə etmək üçün yeni yollar axtarır”.
Sfera.az “Gazeta.ru” nəşrinə istinadən xəbər verir ki, bu sözləri Ukrayna Silahlı Qüvvələrinin Ali Baş Komandanı Aleksandr Sırski bildirib.
Sırski qeyd edib ki, Rusiya Silahlı Qüvvələri qüvvə və vasitələr baxımından nəzərəçarpacaq üstünlüyə malikdir. Onun sözlərinə görə, avqust ayı Ukrayna üçün çətin olacaq və hərbi əməliyyatlar geniş səfərbərlik tələb edəcək.
O əlavə edib ki, tabeliyində olan hərbçilərlə keçirilən görüşdə Ukraynanın bir sıra regionlarında səfərbərliyə çağırış qaydalarının pozulması halları müzakirə olunub, aşkar edilmiş nöqsanlar və çatışmazlıqların aradan qaldırılması üçün tədbirlər müəyyənləşdirilib.
Fidan Hacızadə
Sfera.az
