Rusiya Ukraynanın neft terminalına zərbələr endirib

Rusiya Silahlı Qüvvələri Ukrayna Hərbi Dəniz Qüvvələrinin yanacaq təminatını həyata keçirən neft terminalına zərbələr endirib.

Sfera.az İnterfaksa istinadən xəbər verir ki, bu barədə Rusiya Müdafiə Nazirliyi məlumat yayıb. Nazirliyin açıqlamasına görə, operativ-taktiki aviasiya, hücum pilotsuz uçuş aparatları, raket qüvvələri və artilleriya bölmələrinin hücumları nəticəsində neft terminalı zədələnib.

Bundan əlavə, zərbələr Ukraynanın müxtəlif bölgələrində, ümumilikdə 146 rayonda pilotsuz uçuş aparatları, silah-sursat anbarları, Ukrayna Silahlı Qüvvələrinin birləşmələri üçün müvəqqəti yerləşdirmə məntəqələri, eləcə də xarici muzdluların hücumu üçün nəzərdə tutulan istehsal sexləri, montaj və anbar sahələrinə də yönəlib.

Müdafiə Nazirliyinin məlumatına əsasən, son 24 saat ərzində Rusiya hərbçiləri 4 ədəd JDAM hava bombasını, həmçinin 144 Ukrayna pilotsuz uçuş aparatını vurub.

Fidan Hacızadə

Sfera.az