İkinci Dünya Müharibəsi zamanı itirilmiş rəsm Lukaşenko tərəfdarı tərəfindən alınıb
İkinci Dünya Müharibəsi zamanı oğurlanmış Vladislav Qalimskinin “Qadın portreti” tablosu Ukrayna Milli İncəsənət Muzeyinə qaytarılıb.
Sfera.az bildirir ki, əsərin qaytarılması muzey işçilərinin və Ukrayna Xarici Kəşfiyyat Xidmətinin birgə səyləri nəticəsində mümkün olub.
Rəsm ilk dəfə 2018-ci ildə Ştutqartda keçirilən hərracda aşkar edilib. Muzey arxiv fotolarını yoxladıqdan sonra onun mənşəyini təsdiqləyib və İnterpolla əlaqə saxlayıb.
Daha sonra Ukrayna Xarici Kəşfiyyat Xidməti rəsm əsərinin Lukaşenko rejiminə yaxın olan belaruslu iş adamı tərəfindən alındığını və oğurlanmış eksponatı qəsdən əldə etdiyini müəyyən edib. Onunla danışıqlar bir neçə il davam edib və uğurla başa çatıb - rəsm geri qaytarılıb.
“Qadın portreti” Ukrayna Milli İncəsənət Muzeyinin kolleksiyasından İkinci Dünya Müharibəsi zamanı götürüldükdən sonra geri qaytarılan ilk əsər olub. O, bir ay ərzində muzeydə nümayiş etdiriləcək.
Aysel
