Hakan Fidan: "Bir yol sülhdür, digəri..."

İstanbulda Ukrayna, Rusiya və Türkiyə tərəfləri Ukrayna münaqişəsinin həlli üçün perspektiv addımları müəyyən edəcək və bu danışıqlar Rusiya və Ukrayna prezidentlərinin gələcək görüşünü müəyyən edə bilər.

Sfera.az xəbər verir ki, bu sözləri Türkiyənin xarici işlər naziri Hakan Fidan bildirib. O, Türkiyə kəşfiyyatının rəhbəri İbrahim Kalının iştirakı ilə Rusiya və Ukrayna nümayəndə heyətləri arasında birbaşa danışıqların əvvəlində deyib.

"Biz növbəti addımları Ukrayna və Rusiya ilə birlikdə müəyyən edəcəyik. Bu görüş ölkələrin liderləri arasında gələcək görüşünü müəyyənləşdirəcək ", - nazir bildirib.

"Bu danışıqların mümkün sülhə gətirib çıxaracağına inanırıq. Türkiyə hər zaman sülhməramlı prosesə yaxın olacaq", - o əlavə edib.

Fidanın sözlərinə görə, hazırda iki yol var: "Bir yol sülhdür. Digəri daha böyük dağıntılara səbəb olacaq".

Nazir həmçinin qeyd edib ki, Türkiyə prezidenti Rəcəb Tayyib Ərdoğan Ukrayna münaqişəsinə son qoymaq üçün səylər göstərir.

Fidan Hacızadə
Sfera.az